A rexedora formalizou coa asociación un novo acordo “co fin de asegurar a calidade do servizo e impulsar novas iniciativas en beneficio das persoas que o precisan”
Cervo, 11 de decembro do 2025. O Concello de Cervo reforza a súa colaboración coa Asociación Saúde Mental A Mariña, destinando unha partida anual do orzamento municipal a apoiar o labor desta entidade.
A rexedora, Dolores García Caramés, mantivo un encontro coa Directora Xeral Técnica da asociación, María José Nóvoa, e co presidente, Jorge Manchado, no que se formalizou a sinatura dun convenio de colaboración que supón unha achega nominativa de 20.000 euros. Esta contribución permitirá á entidade garantir a calidade dun servizo que resulta fundamental tanto para as persoas usuarias como para as súas familias, ao tempo que se pon en valor o intenso traballo que desenvolven para favorecer a integración das persoas con doeza mental a través dunha atención integral.
Ademais, a rexedora lembrou que a colaboración entre o Concello de Cervo e Saúde Mental A Mariña é constante ao longo do ano, exemplificada en iniciativas como o programa Arruguiñas, no que a entidade participa ofrecendo talleres terapéuticos que contribúen ao benestar emocional e á mellora da calidade de vida das persoas maiores do municipio. Estes obradoiros reforzan o vínculo entre ambas as institucións e poñen de manifesto o compromiso compartido coa saúde mental e co apoio comunitario.
A alcaldesa salientou tamén a comunicación constante e fluída que existe entre o Concello e a asociación, asegurando que “traballamos sempre coordinados para atender, na medida do posible, ás súas necesidades, porque a saúde mental é un asunto que debe preocuparnos e ocuparnos a todos”.
Apuntou ademais que apoiar a esta entidade “é apostar por un recurso esencial e lanzar unha mensaxe clara: a saúde mental importa, e moito. Investir en saúde mental é investir no futuro da nosa comunidade”.
Tamén destacou o labor profesional e humano que se desenvolve desde as dúas unidades residenciais que Saúde Mental A Mariña ten en Cervo, “espazos seguros nos que se consegue crear un forte sentido de comunidade”. O traballo da entidade contribúe a fomentar a comprensión social e a derrubar tabús e silencios que aínda rodean estas cuestións.
García Caramés concluíu que esta achega económica “permitirá reforzar as iniciativas que xa están en marcha e abrir novas vías de apoio para as persoas que o precisen. Non é só un compromiso financeiro, senón tamén unha mostra clara do recoñecemento ao papel vital que desempeñan, avanzando cada día na loita contra o estigma da saúde mental.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
