Cervo, 16 de decembro, 2025. A Sala de Eventos D’FABRIC, situada en San Cibrao, celebra o impulso cultural que está a vivir A Mariña, onde a iniciativa privada está a gañar peso e contribuír a unha oferta cada vez máis ampla e diversa. Desde o espazo destacan que a cultura e a música non deben depender unicamente das administracións, e reivindican o papel dos proxectos independentes na creación dun territorio vivo e dinámico.
Nesa liña, D’FABRIC transformou un local sen uso nunha sala con programación estable e ciclos dirixidos a distintos públicos. A continuación, presenta o seu calendario ata final de ano e adianta parte da oferta prevista para 2026.
Ciclo Trapallas (público infantil)
Propostas pensadas para as crianzas, con merenda incluída e actividades variadas. Tras a visita de Paco Nogueiras e Ghazafelhos, o día 26 celebrarase unha xornada de maxia co Mago Aris Villarino. En 2026 o ciclo incluirá teatro e actividades lúdicas, cun mínimo de dúas propostas mensuais.
Ciclo Directos
Concertos de música en vivo con estilos diversos. Xa pasaron pola sala Hugo Eiroá, Pantera Rosa e DKE Band (Mariña). En decembro actuarán Manopuesta (Ferrol) o día 19 e Gin Toni’s (Ourense) o día 28. Para 2026 están confirmados Punta Norte (Mañón), Correkaminos Rock Band (Navarra, con raíces en Burela), Chica Sobresalto e Griso, entre outros nomes do panorama estatal.
Ciclo Serán
O día 27 arrinca este ciclo dedicado á música e ao baile tradicional, cun primeiro serán a cargo de Carecos. Celebrarase cada dous meses.
Ciclo Monólogos
O humor chega o día 20 con Pepo Suevos, primeira cita dun ciclo que ofrecerá un monólogo ao mes.
Ciclo 2010
Pensado para a xeración máis nova, comeza o día 23 cunha festa de Reggaeton Old School.
D’FABRIC adianta que haberá máis sorpresas a medida que medre o apoio do público. O equipo lembra que programar cultura e música non sempre é doado, pero é unha aposta necesaria para situar San Cibrao e A Mariña no mapa cultural do Estado.
A sala está formada por un equipo de oito profesionais que traballan por crear unha proposta con identidade propia, diferente e en constante evolución, coa intención de seguir medrando e, no futuro, exportar o modelo a outros lugares. Un proxecto MADE IN A MARIÑA.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
