Mondoñedo, 3 de decembro, 2025. O BNG votou en contra dos orzamentos de Mondoñedo para o ano 2026, cunha valoración “que demostra ou ben un descoñecemento total das contas municipais —algo preocupante a estas alturas— ou unha vontade de facer ruído por mala fe”, din desde o grupo de goberno.
“Cómpre lembrar de onde vimos: cando o BNG gobernaba, Mondoñedo estaba sometido a un plan de axuste, non se garantían as nóminas nin os pagos a provedores e traballábase con orzamentos prorrogados. Ademais, deixaron 1,5 millóns de euros de débeda, que este equipo de goberno conseguiu liquidar en só catro anos ata acadar a situación actual de débeda cero”, engaden.
“A realidade hoxe é ben distinta. Mondoñedo é un dos primeiros concellos da provincia en aprobar os orzamentos de 2026 e leva dez anos consecutivos aprobando as contas municipais, garantindo estabilidade e blindando os servizos para a veciñanza. Tamén se atenderon demandas históricas dos traballadores municipais, coa sinatura do convenio colectivo —un dos poucos concellos en telo— e coa actualización da Relación de Postos de Traballo”, insisten.
“Se o BNG non estaba de acordo cos orzamentos, tiña a oportunidade de presentar propostas. Non o fixo en ningún momento, nin unha soa achega, evidenciando desinterese ou falta de traballo. Pola contra, este equipo de goberno asumiu o saneamento das contas, pechou saldos pendentes e pagou todo o que quedaba sen resolver, fronte á xestión anterior marcada por contratos inútiles e perda de recursos públicos”, engaden.
“En canto ao gasto en festas, o Concello colabora de maneira responsable con cada asociación organizadora, atendendo ás posibilidades reais e buscando financiamento noutras administracións. O que non se pode esquecer é que o BNG se opuña sistematicamente ás propostas do tecido asociativo, freando iniciativas que hoxe son referencia. Iso si era estancamento”, rematan.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
