A revisión do contrato realizada polo equipo de Goberno permitirá reducir o gasto anual, incrementar o investimento e mellorar as condicións económicas a longo prazo
Viveiro, 26 de decembro de 2025. O Concello de Viveiro optimizou a licitación dunha Empresa de Servizos Enerxéticos (ESE) tras un proceso de revisión e reformulación do contrato inicialmente previsto polo anterior goberno municipal. O resultado definitivo supón unha mellora substancial das condicións económicas, un incremento do investimento e unha optimización dos recursos públicos a longo prazo.
Segundo os datos finais, o gasto anual actual do Concello en materia enerxética ascende a 1.549.730,47 euros. Tras a licitación da ESE, o gasto anual reducirase a 1.253.534 euros, o que supón un aforro anual de 296.196 euros. Proxectado aos 15 anos de duración do contrato, este aforro alcanza os 4.442.920 euros.
A este importe súmanse as investimentos directos que realizará a ESE, cifradas en 4.534.628 euros, así como outras actuacións financiadas coa baixa do contrato, estimada en arredor de 1.100.000 euros. Esa inversión destinarase como Plan P6 a investimentos e ao mantemento do alumeado de Nadal e das festas ao longo dos 15 anos de vixencia do contrato.
Deste xeito, o aforro total estimado para o Concello de Viveiro coa posta en marcha da ESE ascende a 8.229.610 euros en quince anos.
Ademais, o novo modelo supón unha mellora significativa respecto ao proxecto que se prevía licitar anteriormente, cun aforro superior aos dous millóns de euros ao longo do contrato e un incremento do investimento directo de 1.250.000 euros. Se se suma a parte correspondente da baixa do contrato, o investimento adicional acada os 2,3 millóns de euros.
Entre as actuacións previstas inclúense proxectos singulares no Casco Histórico e no Paseo Marítimo, a mellora do alumeado nos pasos de peóns, a substitución de semáforos, a instalación de grupos electróxenos de gran capacidade na Casa do Concello e no Auditorio de Celeiro, a solución a un problema histórico de custo e seguridade relacionado cos denominados tantos alzados e a renovación da iluminación e das caldeiras nos campos de fútbol.
Cabe resaltar que este resultado é froito dunha avaliación exhaustiva do contrato inicialmente deseñado, no que se detectaron aspectos claramente mellorables. Desde o inicio do proceso, o obxectivo foi optimizar os recursos económicos e reforzar a transparencia, motivo polo que se modificaron os pregos e se mantiveron contactos con varias empresas do sector para obter a mellor opción posible.
Coas condicións actuais, o importe inicialmente previsto foi reducido en máis da metade, acadándose un modelo máis eficiente, sostible e vantaxoso para as arcas municipais e para o conxunto da cidadanía.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
