O delegado sinalou Xermade como “exemplo de dinamismo e mostra de como o rural pode xerar actividade, atraer iniciativas e combater o despoboamento cando conta con apoio público”
Xermade, 26 de decembro de 2025. O delegado do Goberno en Galicia, Pedro Blanco, animou hoxe aos concellos galegos de menos de 5.000 habitantes a acollerse ás novas axudas convocadas polo Ministerio para a Transición Ecolóxica e o Reto Demográfico (MITECO) para impulsar proxectos innovadores e facer fronte ao despoboamento. Así o trasladou durante a súa visita ao Concello de Xermade, onde, acompañado pola subdelegada do Goberno en Lugo, Olimpia López, mantivo un encontro institucional co alcalde, Roberto García Pernas, no que informou en detalle das características desta convocatoria e do seu potencial impacto no rural galego.
Pedro Blanco salientou que estas axudas, dotadas cun orzamento total de 52 millóns de euros, máis do dobre que na convocatoria anterior, “son unha oportunidade real para transformar o territorio, apoiar o emprendemento, mellorar servizos e xerar oportunidades nos concellos con maiores dificultades demográficas”. O delegado subliñou que o Goberno de España “mantén unha aposta clara polo rural, con políticas activas que se traducen en recursos concretos para os concellos e o tecido social e económico”.
As subvencións están dirixidas a financiar proxectos innovadores para a transformación territorial e a loita contra o despoboamento en municipios ou núcleos de poboación inferiores a 5.000 habitantes. Contemplan tres modalidades: proxectos promovidos por entidades locais; por entidades sen ánimo de lucro de ámbito supraprovincial; e por pemes, persoas autónomas e entidades da economía social.
Os proxectos poderán estar orientados, entre outros ámbitos, á mellora de servizos públicos, apoio ao emprendemento rural, cultura e ocio, servizos sociais e de coidados, mobilidade, vivenda, asociacionismo ou á recuperación de zonas afectadas por incendios e outras catástrofes naturais.
Axudas de ata 300.000 euros por proxecto, con financiamento de ata o 90%
As axudas poderán cubrir ata o 90% do custo subvencionable no caso de entidades locais e entidades sen ánimo de lucro, cun importe máximo de 300.000 euros por proxecto, e ata o 70% no caso de pemes e persoas autónomas. O prazo para presentar solicitudes estará aberto ata o 20 de xaneiro de 2026 e os proxectos seleccionados poderán executarse ata o ano 2028.
Pedro Blanco animou aos pequenos concellos galegos, empresas e entidades do rural a “aproveitar esta convocatoria e presentar proxectos ambiciosos e transformadores”, reiterando a disposición da Delegación do Goberno para informar e acompañar ás entidades interesadas.
Investimentos do Goberno en Xermade
Durante o encontro, o delegado e o alcalde repasaron tamén os investimentos do Goberno no municipio, destacando a posta en marcha dunha Aula Mentor ou os máis de 400.000 euros dos fondos de Transición Xusta para rehabilitar a antiga casa reitoral e convertela no Centro Internacional da Tornaría. Pedro Blanco sinalou Xermade como “exemplo de dinamismo e mostra de como o rural pode xerar actividade, atraer iniciativas e combater a despoboamento cando conta con apoio público”, reiterando o compromiso do Goberno coa igualdade de dereitos e servizos con independencia do lugar onde se viva.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
