Os populares levan tempo reclamando un plan municipal ordenado, que atenda a criterios de necesidade e con actuacións na primavera e no verán porque “asfaltar agora suporá, moi probablemente, que esa vía pronto volva presentar mal estado”
Vilalba, 6 de decembro de 2025. O Partido Popular de Vilalba lamenta que “o goberno bipartito tire o diñeiro de tódolos veciños e veciñas” tras acometer labores de asfaltado en pistas do rural nun día de inverno e de moita choiva como fixo na pista da Frouxeira ata o cemiterio, en Sancovade, nos últimos días.
Os populares amósanse críticos con este de tipo de xestión por parte do PSOE e Vilalba Aberta, a quen lle recae a responsabilidade da área rural, que cualifican de “chapuza”. Nese sentido, lamentan que “o goberno local tivera paradas durante máis de 6 meses obras aprobadas en marzo esperando a comezar os traballos en pleno inverno”.
Os concelleiros do PP subliñan que “son moitas as necesidades de mellora nas pistas das parroquias dos nosos municipais debido a anos acumulados de desatención por parte dos gobernos socialistas e de coalición”.
Os populares defenden que “este tipo de traballos se teñen que planificar para poder levalos a cabo en períodos máis secos”. De feito, os concelleiros levan tempo reclamando un plan municipal ordenado, que atenda a criterios de necesidade e que recolla actuacións de asfaltado na primavera e no verán”.
“Asfaltar nun día de inverno como estes últimos é tirar os cartos e recursos de tódolos vilalbeses. Todos somos conscientes de que, nesas condicións, o resultado non pode ser aceptable e, o máis probable, é que a vía volva a presentar mal estado nun período breve de tempo”, indican.
Os concelleiros do PP cren que “as obras deben servir para prestar un correcto servizo aos veciños e veciñas, non para facer unha foto dun día”. Nese sentido, convidan ao goberno bipartito a “planificar e traballar máis” porque o que está a demostrar con accións coma esta é que “non está para gobernar”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
