Balseiro citou exemplos de problemas de conectividade en diversas zonas da provincia como a Montaña, o sur (Quiroga, Ribas de Sil ou Folgoso do Courel), na Mariña (Trabada ou parroquias do concello de Cervo) ou no municipio de Lugo (tanto no rural coma en 4 das 5 infraestruturas de acceso á cidade)
Madrid, 17 de decembro de 2025. O Senado esixe, por unanimidade, ao Goberno de Sánchez implementar de maneira real e efectiva o despregamento de servizos e infraestruturas de conectividade na provincia de Lugo, unha das máis castigadas pola fenda dixital.
O senador do PP lucense José Manuel Balseiro defendeu este martes na Comisión de Transformación Dixital unha moción do Grupo Popular para reclamar que o Goberno de España garantir o despregamento de infraestruturas de telecomunicacións onde sexan necesarias, avanzar na extensión da fibra óptica e das redes 5G e asegurar o acceso a telefonía móbil e conectividade na totalidade da provincia de Lugo.
Durante a súa intervención, Balseiro denunciou que “Lugo e a súa provincia son hoxe os grandes esquecidos polo Goberno de Pedro Sánchez”, unha situación que, ao seu xuízo, non só se reflicte nas infraestruturas de transporte, senón tamén nas de conectividade. “Grandes áreas da nosa provincia carecen de fibra óptica, de redes de datos rápidas e mesmo dunha cobertura mínima de telefonía móbil”, advertiu.
O senador popular alertou dos graves trastornos que esta situación provoca na vida diaria de veciños, estudantes, traballadores e empresas, especialmente no medio rural, que ven “desconectados das oportunidades que ofrecen as novas tecnoloxías”. Neste sentido, criticou que as promesas do Goberno de pechar a fenda dixital “non se corresponden coa realidade que viven os lucenses”.
Balseiro subliñou que Lugo se atopa hoxe entre as peores provincias do país en cobertura 5G e lembrou que hai concellos cun 0% de cobertura, como Muras, Negueira de Muñiz ou Folgoso do Courel. Tamén puxo de relevo que a fibra óptica “non chega a moitas vivendas ou queda ás portas de vilas e aldeas”.
O senador enumerou exemplos concretos de municipios afectados por deficiencias de conectividade como zonas do rural do concello de Lugo e municipios da contorna (Castroverde, O Corgo, Friol, Guntín e Outeiro de Rei); no sur da provincia como, por exemplo, en Ribas de Sil, Quiroga, Folgoso do Courel, A Pobra do Brollón ou Chantada; na montaña lucense, Becerreá, Baralla, Cervantes, Navia de Suarna ou A Fonsagrada; na Chaira, como poden ser nos municipios de Begonte, Cospeito, Ribeira de Piquín e Guitiriz; e na Mariña, Alfoz, O Valadouro, A Pontenova, Trabada, Cervo e O Vicedo. Así mesmo, sinalou que os problemas de cobertura non son exclusivos do rural, xa que tamén existen no acceso por autovía á cidade de Lugo. De feito, “en 4 dos 5 teñen dificultades”.
Balseiro lamentou que, a pesar da xestión de importantes fondos europeos destinados a conectividade, “moitas zonas seguen sumidas nun auténtico apagamento dixital, pola renuncia de adxudicatarios ou a falta de interese da Administración estatal”. Por iso, esixiu ao Executivo central que “non apague Lugo” e que cumpra coa súa obrigación de garantir a cohesión social e territorial.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
