Incide en que Altri é un exemplo máis de como o PP goberna desde a mentira, camuflando por biofábrica unha macrocelulosa contaminante
Santiago de Compostela, 14 de decembro, 2025. A portavoz nacional do BNG, Ana Pontón, encabezou a delegación do BNG que participou na manifestación convocada polas plataformas en Defensa da ría de Arousa e Ulloa Viva baixo o lema “Altri non. Queremos vida, queremos futuro”, contra a instalación desta macrocelulosa contaminante no corazón de Galiza. Unha mostra de dignidade do pobo galego para dicir alto e claro Altri debe abandonar o proxecto.
Estamos aquí para dicir algo e claro e todos a unha que queremos que Altri abandone ese proxecto de macrocelulosa. Para dicir Altri non, Galiza si, porque cremos que ese é un proxecto que hipoteca o noso futuro”, manifestou, subliñando que Galiza merece industrias que respecten o noso medio ambiente “e non o franquismo industrial das macrocelulosas, que é o único que pode ofrecernos o señor Rueda”, recalcou.
Así comezaban as súas declaracións ante tamén unha multitude de medios de comunicación, onde aproveitou para pedirlle a Rueda que escoite o clamor social e que deixe de facer de comercial dese franquismo industrial que representa o proxecto da megafábrica de celulosa.
“Pedímoslle ao presidente da Xunta que escoite o clamor social, que deixe de facer de comercial dese franquismo industrial que representa Altri e que escoite o que lle estamos dicindo, que queremos industrias do século XXI e non industrias do pasado, que queremos coidar do medio ambiente e que Galiza pode dar moito máis que recoller proxectos que noutras partes non queren”, expresou.
O BNG sempre incidiu en que Altri constitúe un exemplo máis de como o PP goberna desde a mentira, camuflando por biofábrica o que en realidade é unha macrocelulosa contaminante. Neste sentido, durante a súa intervención ante os medios, Pontón asegurou que estamos ante un momento clave para o futuro do proxecto, que aínda segue vivo e que depende das autorizacións da Xunta de Galiza. Por iso, insistiu en que Rueda debe “deixar de facer de comercial de Altri e empezar a defender os interese xeral dos galegos e das galegas, que lle din todos á unha Altri non, Galiza si.
A multitudinaria manisfestación deste domingo para pedir que se lle dea carpetazo a Altri dunha vez por todas rematou na Praza do Obradoiro, que volveu quedar pequena para acoller a toda a xente se achegou a Compostela desde toda Galiza.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
