Declarada pola Unesco en xuño do ano 2007, este territorio a cabalo entre as dúas comunidades destaca polos seus espazos Rede Natura, ademais de contar cunha zona húmida de importancia internacional e dous monumentos naturais
Ribadeo, 11 de decembro de 2025. Galicia e Asturias seguen avanzando nos traballos de actualización do Plan de xestión da Reserva de biosfera (RB) río Eo, Oscos e Terras de Burón, que aglutinará as principais accións de conservación e desenvolvemento sostible deste territorio para o período 2026-2036, co reto de que o documento definitivo este aprobado no primeiro semestre do vindeiro ano.
Este foi un dos puntos abordados hoxe en Ribadeo durante a reunión do Foro de participación social da RB intercomunitaria, un órgano de participación e consulta no ámbito da reserva e conformado por representantes das administracións públicas de ambas comunidades, asociacións, organizacións, institucións e colectivos que desenvolven actividades en áreas vencelladas aos obxectivos que promove esta figura e cuxos fins sexan compatibles cos principios inspiradores do Programa MaB da Unesco.
Cómpre lembrar que con este novo plan, no que Xunta e Principado levan meses traballando, daráselle continuidade ao instrumento planificador deseñado co mesmo fin en 2016 e en vigor desde 2017, polo que o obxectivo é telo listo e aprobado o ano que vén para que marque a folla de ruta a seguir durante a próxima década.
Este foi un dos puntos abordados durante a reunión ordinaria do organismo, que estivo presidida pola directora xeral de Patrimonio Natural, Marisol Díaz, e durante a que se acordou tamén actualizar a relación de membros do Foro de participación social e da Comisión xerente da reserva así como aprobar o regulamento de funcionamento interno do órgano consultivo.
Tras lembrar que en setembro a Comisión de Coordinación Institucional encargada de coordinar a xestión deste espazo deulle o visto bo a impulsar a redacción do novo plan plurianual, Díaz incidiu na necesidade de traballar dunha forma ordenada e planificada.
Neste sentido, cuantificou nun total de 1,34 millóns de euros os investimentos mobilizados desde o ano 2020 tanto a través de actuacións directas executadas só na parte galega deste espazo como das sucesivas convocatorias de axudas da Xunta para proxectos en Rede Natura 2000 e en Reservas de Biosfera.
A modo de exemplo, entre as medidas máis recentes, a directora xeral referiuse ao Proxecto de recuperación do río Eo, cun orzamento de case 500.000 euros financiado con fondos europeos do NextGenerationUE e iniciado a mediados de 2022 co obxectivo de intervir nun tramo de preto de 26 km para mellorar o estado de conservación dunhas 84 hectáreas deste corredor ecolóxico, que separa de forma natural Galicia e Asturias.
Ao respecto e ante as demandas expostas durante a reunión, Díaz propuxo celebrar o ano que vén unha primeira xornada informativa aberta tanto a concellos como a sectores produtivos e asociacións con intereses neste territorio para poñer en común os proxectos en marcha, as posibles liñas de axudas ás que poden acceder e a posibilidade de traballar xuntos no impulso dunha economía local sostible que permita establecer sinerxías entre os produtores locais e as empresas presentes no territorio.
Declaración como RB en 2007
A Reserva de Biosfera Río Eo, Oscos e Terras do Burón, declarada o 19 de xuño de 2007, é unha das dúas de xestión compartida que ten a comunidade (xunto coa do Gerês-Xurés), e conta con numerosos espazos incluídos en Rede Natura 2000 —tres Zonas de Especial Conservación para as Aves (ZEPA) e nove Zonas de Especial Conservación (ZEC)— ademais dun humidal de importancia internacional e dous monumentos naturais.
Dentro do seu territorio hai identificados 41 tipos de hábitats de interese comunitario, 11 considerados prioritarios, centrados fundamentalmente nos ecosistemas dunares, matogueiras costeiras, zonas húmidas continentais e bosques ligados a medios húmidos.
Cun total de 159.379 hectáreas, incluíndo unha pequena superficie de augas mariñas adxacente ao estuario do Eo, a área que conforma a reserva de biosfera se vertebra a través da cunca fluvial do río, abarcando dende o seu nacemento en Fonteo (parroquia de Baleira, en Lugo), ata a súa desembocadura no Cantábrico e abrangue 14 municipios (7 lucenses e 7 asturianos).
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
