Ribadeo, 26 de decembro de 2025. Xunta e Concello asinaron esta mañá un convenio de colaboración para a construción do novo centro de saúde. O Concello fixo, deste xeito, a entrega dos terreos á administración galega. A continuación procederase á redacción do proxecto e despois á súa licitación.
O alcalde, Dani Vega, subliñou todo o traballo realizado “nun tempo récord” para que Ribadeo poida contar cun novo centro de saúde: “o antigo goberno non nos deixou nada, só una proposta de escoller unha parcela. Conseguimos nun ano e medio a parcela, toda a tramitación da expropiación, todo o traballo burocrático, que sabedes que é farragoso, moi complexo, xa que hai que informar non sei cantas veces aos titulares, despois unha parte desa parcela tiña moitos embargos e tivemos que informar a todas as persoas afectadas”.
O rexedor dixo “agora a parcela xa é do Concello de Ribadeo e o que facemos hoxe é entregarlla á Xunta para que dispoña dos terreos e empece a redactarse o proxecto do novo centro de saúde e despois sería a construción. Agradecer tamén á Xunta que xa contempla no presuposto do 2026 unha partida orzamentaria para o centro de saúde ribadense”.
Vega indicou que “as novas instalacións albergarán o 061, o centro de saúde e tamén o PAC. Non podemos ter un centro de saúde por cachos. Non pode estar o 061 á entrada do pobo e logo no centro da vila o centro de saúde, porque eses minutos de tardanza son vitais para unha persoa”.
O conselleiro de Sanidade, Antonio Gómez Caamaño, e o alcalde, Dani Vega, foron os encargados de asinar o convenio de colaboración esta mañá no salón de comisións do Concello de Ribadeo.
O acto contou coa presenza do xerente da área sanitaria de Lugo, A Mariña e Monforte de Lemos, Ramón Ares, a directora do do distrito sanitario da Mariña e do Hospital Público da Mariña, Mª José Cortes, así como as concelleiras de Seguridade, Igualdade e Benestar Social, Montse Seijo, Begoña Sanjurjo e Elena Sierra.
Gómez Caamaño visitou a Casa do Concello e asinou no libro de honra. A comitiva desprazouse despois ata os terreos nos que se construirá o novo centro de saúde de Ribadeo.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
