Sábado 20 de decembro, campaña do Nadal. Paso por casualidade diante dun Centro Comercial, o Eroski de Vegalsa en Ribadeo. Si, xa sei que non se soe pasar por diante dos centros comerciais de casualidade e menos no Nadal, pero así foi. Vexo dúas ou tres bandeiras e unhas 20 persoas na súa veciñanza, no aparcamento diante da entrada, entre os coches. Achégome. Pregunto. Folga. Voume cunha folleto informativo á que lle boto unha ollada. Continúo camiño. Pensando.
Unha folga prexudica. Claro! Neste caso, pobres compradores, que non poden comprar ó ritmo que pensaban. E pobre empresa, que ó mellor non dá vendido todo o que quería. As traballadoras (hai maioría de mulleres) están divididas: o centro segue funcionando, aínda que supoño que as colas nas caixas serán maiúsculas (non ía mercar, non fun comprobalo). Ó mellor me equivoco, e o que quedou desocupado é a reposición á espera de que as folguistas retomen ó traballo, os temidos estantes baleiros que non permiten ter todo a man…
Un pouco máis tarde infórmome polo xornal que outra cadea de tendas rival, neste caso Mercadona, remata de subir por sorpresa o número de días de vacacións (7 días máis, isto é máis dun 20% máis) e unha paga máis ó ano (ou sexa, cousa do 8 % máis). Non sei se foi só cousa da empresa, sen batallar coas empregadas… Máis tarde aínda, día seguinte, miro os xornais en papel (sección A Mariña) para ter unha referencia á folga. Non a atopo. Debín de procurar mal. De feito, un amigo indicoume despois que si saíra, en pequeno…
Outro día máis, e atopo nun xornal en liña unha referencia xenérica ó problema, referíndose á sobrecarga de traballo, ós horarios longos e ó traballo dos domingos que se manifesta no comercio nestas datas. O que di non se corresponde exactamente co folleto que recollín das folguistas de Ribadeo, pero solápase co alí exposto. Asemade, atopo a referencia a unha folga nun centro de Amazon en Galicia, ó fin, tamén relacionado co comercio, aínda que sexa por outra vía, e que se fai máis chamativo por estar en alza o comercio electrónico. Quizais tamén máis chamativo por ter as furgonetas que saíron do almacén a protección policial… e por saír nos papeis.
Folga. Acepción cuarta e última no dicionario da RAG: “Interrupción voluntaria e colectiva do traballo, realizada como medida de presión para obter melloras laborais ou doutro tipo”. Acepción primeira: “Situación do que non realiza ningunha actividade ou do que descansa no traballo”. Certamente, a folga do título non corresponde á primeira acepción, senón á cuarta. Estamos en tempo de Nadal, relacionado co folgar sen preocupación, non co exercer dereito á folga laboral. Pode que por iso, sobre todo se te afecta como consumidor, resulte rara unha folga no Nadal. Pode tamén que o da folga sexa só algo que vai de si cun tempo no que ata o folgar non se concibe ben sen consumir.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
