Haberá premios para os mellores disfraces, así como sorteos e moitas máis sorpresas
Viveiro, 16 de xaneiro de 2025. A Comisión Viveiro en Festas celebrará o vindeiro luns, 16 de febreiro, a segunda edición da súa Festa do Antroido, unha cita que terá lugar nunha carpa instalada en Lodeiro, xunto ao Centro de Saúde.
O evento constará de dúas partes. A primeira é a cea dun cocido tradicional, cun prezo de 40 euros por persoa. A segunda parte, ao remate da mesma, será un baile cunha entrada que terá un custo de 6 euros, incluíndo consumición, para as persoas que non asistan á cea.
Os tickets para a cea poderán adquirirse a través do WhatsApp (número 614191962) ou un formulario publicado nas redes sociais de Facebook e Instagram, canles nas que se facilitarán as indicacións necesarias para a retirada das entradas correspondentes, que deberá realizarse antes do 8 de febreiro. As entradas tamén se poderán retirar de forma presencial os días 23 e 30 de xaneiro, así como o venres 6 de febreiro na Praza Maior.
A xornada estará amenizada con música en directo antes e despois da cea, ademais dun DJ que porá ritmo ata o peche da festa. Abriranse as portas contra as 20 horas, con música a cargo do Dúo Estrellas ata servir a cea. Ao remate da cea volverá ofrecer outro pase o Dúo Estrellas e continuará Disco Móbil Olympo ata o remate do evento.
Como xa sucedeu na primeira edición, celebrarase tamén un concurso de disfraces, con premios nas categorías individual, parellas e grupos. As inscricións realizaranse na previa da cea e o xurado fará público o seu veredicto durante o postre. Así mesmo, haberá sorteos entre os comensais.
A carpa abrirá as súas portas ás 0:00 horas ao público, cunha entrada de 6 euros, para que todo aquel que queira asistir á festa sen degustar o cocido poida incorporarse e gozar do evento ata o remate.
Desde a Comisión Viveiro en Festas lembran que “a primeira edición da Festa do Antroido foi todo un éxito de asistencia, con máis de 330 persoas asistentes á cea e unha gran cantidade de persoas que se achegaron despois” e agardan “repetir esa boa acollida, continuando así coa súa aposta por poñer en valor o Entroido en Viveiro a través deste tipo de iniciativas festivas e participativas”.
Os organizadores indican que “o ano pasado sorprendeunos a cantidade de xente de todas as idades que asistiu. Moitas das persoas maiores manifestáronnos que botaban de menos un baile destas características, como se realizaba antes no Casino, polo que agardamos que repitan e que se sume máis xente. O entroido é unha festa interxeracional para pasalo ben, sen importar a idade, por iso animamos a todo Viveiro a que nos acompañe”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
