O novo sistema permitirá que máis do 90 % dos expedientes tributarios se resolvan o mesmo día da súa apertura, e ofrecerá acceso seguro á información tributaria mediante Sede electrónica e atención telefónica
Lugo, 23 de xaneiro de 2026. A Xunta de Goberno da Deputación de Lugo aprobou por un importe de 3M€ a licitación dun novo sistema informático integral de xestión tributaria e de recadación, que suporá un salto cualitativo na xestión tributaria da administración provincial xa que permitirá modernizar a administración dos ingresos municipais e mellorar a calidade do servizo prestado aos concellos e á cidadanía.
A Deputación reforza así a xestión que realiza para 64 concellos da provincia en impostos como o IBI, IAE, IVTM, taxas e outros ingresos públicos, substituíndo o sistema actual, baseado en tecnoloxías obsoletas, por unha plataforma moderna, segura e altamente eficiente. O novo sistema axilizará a tramitación dos expedientes tributarios, prevéndose que máis do 90 % das solicitudes se resolvan o mesmo día da súa apertura, reducindo tempos de espera e desprazamentos innecesarios, e mellorando a atención á cidadanía.
Un dos obxectivos fundamentais é incrementar a eficiencia na xestión dos ingresos municipais sen aumentar a presión fiscal, facilitando aos concellos unha maior dispoñibilidade inmediata dos seus recursos económicos e mellorando a planificación financeira ao longo do exercicio.
A licitación que se vén de aprobar na Xunta desta mañá inclúe tamén a implementación de ferramentas avanzadas para a xestión dos Plans Personalizados de Pago, que permiten aos contribuíntes cumprir coas súas obrigas tributarias de xeito máis flexible e contribúen a unha distribución máis equilibrada dos ingresos municipais ao longo do ano.
No ámbito da administración electrónica, o novo sistema impulsará a Sede electrónica, permitindo á cidadanía acceder de forma segura á súa información tributaria, realizar trámites con plena validez legal e efectuar pagamentos telemáticos. Ademais, incorporarase un módulo específico de atención telefónica, pensado especialmente para persoas con maiores dificultades co uso de medios dixitais.
O proxecto tamén contará con interoperabilidade con outras administracións públicas, como o Catastro, a Seguridade Social, a Dirección Xeral de Tráfico ou a Axencia Estatal de Administración Tributaria, garantindo rapidez, fiabilidade da información e cumprimento dos Esquemas Nacionais de Interoperabilidade e de Seguridade.
O contrato terá unha duración inicial dun ano, sen posibilidade de prórroga, e suporá un paso decisivo cara a unha xestión tributaria máis moderna, eficiente e transparente ao servizo dos concellos e da cidadanía.
Licitación do servizo de limpeza
A Xunta de Goberno ademais vén de aprobar a licitación do contrato por lotes do servizo de limpeza dos distintos edificios e dependencias da institución provincial. O servizo abrangue tanto os edificios de uso administrativo como as instalacións deportivas. O orzamento base de licitación ascende a preto de 1.700.000€, distribuído entre dous lotes: case 1.400.000€ para edificios administrativos e outros usos e pouco máis de 300.000 € para instalacións deportivas. O contrato terá unha duración inicial dun ano, e poderá prorrogarse por outros tres anos.
Enquisa de Infraestrutura e Equipamentos Locais (EIEL)
Tamén, na Xunta de Goberno deste venres quedou adxudicada á Universidade de Santiago de Compostela (USC) os traballos de elaboración da Enquisa de Infraestruturas e Equipamentos Locais (EIEL) da provincia, por un importe de preto de 111.000€. Esta enquisa que a Deputación realiza de Xeito anual é o instrumento básico de valoración das necesidades dos concellos a efectos de cooperación económica local do Estado, polo tanto, un estudo fundamental para a viabilidade económica das facendas locais.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
