A Presidenta, Carmela López, presentará o venres no stand de Galicia unha nova proposta que reivindica o valor das súas Reservas da Biosfera e o potencial dun territorio que aposta pola conservación e o desenvolvemento equilibrado
Lugo, 19 de xaneiro de 2026. A Presidenta da Deputación de Lugo, Carmela López, desprazarase esta semana a Madrid para participar na Feira Internacional de Turismo (Fitur), onde presentará oficialmente a nova campaña de promoción turística da institución provincial baixo o lema Provincia de Lugo, Reserva Natural, unha iniciativa estratéxica que sitúa a riqueza natural da provincia no centro dun modelo turístico sostible, non masificado e vencellado ao territorio.
O acto de presentación da campaña da Deputación de Lugo celebrarase o venres 23, ás 12.30 horas, no stand de Galicia en Fitur, e estará conducido polo presentador David Vilares, que será o encargado de guiar unha posta en escena pensada para transmitir os valores, a identidade e a singularidade da provincia de Lugo como destino natural de referencia.
López defenderá que a provincia de Lugo é un destino singular no contexto estatal e europeo pola súa alta calidade ambiental, diversidade paisaxística e autenticidade, condicións que permiten consolidar “unha proposta baseada no turismo slow, no respecto polo territorio e na procura de experiencias auténticas, aliñada coas novas demandas do visitante e cos obxectivos de desenvolvemento sostible”. “Queremos atraer un visitante que valore o que somos, que goce da nosa natureza con respecto e que contribúa ao desenvolvemento económico dos nosos concellos”, sinala.
Un modelo participativo e aliñado coa estratexia da UNESCO
A campaña nace dun modelo baseado na participación dos concellos e do tecido asociativo implantado no territorio, na planificación rigorosa e na cooperación institucional, co obxectivo de cumprir cos dous grandes principios da estratexia Home e Biosfera da UNESCO: conservar o patrimonio natural e cultural e, ao mesmo tempo, xerar riqueza e emprego desde a sustentabilidade.
A provincia de Lugo conta con catro Reservas da Biosfera (da maneira parcial e total), dúas delas xestionadas directamente pola Deputación —Terras do Miño e Os Ancares Lucenses e Montes de Cervantes, Navia e Becerreá. “Máis do 80% do territorio provincial atópase protexido baixo esta figura de recoñecemento internacional, o que sitúa a Lugo como un territorio privilexiado desde o punto de vista ambiental”.
A Presidenta porá en valor especialmente a riqueza natural, paisaxística e humana destas dúas reservas, exemplos vivos de como é posible compatibilizar conservación, actividade económica, tradición e innovación.
Na presentación oficial da campaña estará acompañada por representantes das dúas Reservas da Biosfera, persoas profundamente coñecedoras do territorio e do traballo que nel se desenvolve, que contribuirán a achegar unha visión próxima e real do modelo que se impulsa desde a provincia.
Un novo audiovisual
Durante o acto estrearase un novo audiovisual promocional que percorre as dúas Reservas da Biosfera xestionadas pola Deputación, amosando a súa diversidade paisaxística, o seu valor ecolóxico e o vínculo coas persoas que habitan e coidan o territorio.
Este audiovisual é a antesala dun proxecto máis amplo de produción de contidos audiovisuais impulsado pola Deputación de Lugo, que inclúe a elaboración de dous vídeos documentais con múltiples reportaxes protagonizadas por axentes do territorio —persoas emprendedoras, profesionais, entidades e colectivos que desenvolven o seu labor nas reservas—.
A institución provincial ten encargado este material co obxectivo de difundilo a través das canles de RTVE e plataformas dixitais, para dar a coñecer a provincia de Lugo a nivel estatal desde unha óptica diferenciada: a do que significan as Reservas da Biosfera como modelo de territorio vivo, sostible e con futuro.
Axenda institucional e encontros profesionais
A presenza da Presidenta en Fitur incluirá tamén unha intensa axenda institucional e profesional. Ademais da presentación da campaña da Deputación, Carmela López asistirá a diversos actos e presentacións promovidos por entidades da provincia, como o Consorcio de Turismo da Ribeira Sacra, a Mancomunidade de Concellos da Mariña ou o Concello de Lugo, entre outros.
Así mesmo, manterá encontros profesionais con representantes do sector turístico, operadores, responsables institucionais e outros destinos, co obxectivo de fortalecer alianzas, intercambiar experiencias e posicionar a provincia de Lugo como un referente no ámbito do turismo de natureza e sostible.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
