Foz, 19 de xaneiro de 2026. A voceira do goberno municipal de Foz, Inés López Couto, manifestou que “no día de hoxe o voceiro da oposición quixo xustificar a súa posición en contra da vivenda pública en Foz no pleno municipal do mes de setembro saíndo con bulos e falsidades coma sempre”.
“Estamos de acordo en que un dos problemas máis graves de Foz, coma do resto do Estado, é a escaseza de vivenda en aluguer a prezos asequibles. No mes de setembro o noso grupo, vistas as poucas alternativas existentes, plantexou mercar o solar fronte á Casa da Cultura, a un prezo moi inferior ao que se manexaba no 2018 (550.000 euros, cando daquela se falaba de 2 millóns) e tanto o grupo popular coma o Bloque votaron en contra”, indica a voceira do goberno municipal, que engade: “a motivación non era ningunha porque non puxeron ningunha alternativa enriba da mesa. A única opción que plantexaron é que o solar fose gratuíto para o Concello, coma se houbese unha tómbola onde regalasen algo. Pero a realidade é que o PP nunca quixo facer nada con ese solar, xa o dicía no 2018: Isto non quere dicir que o Concello estea disposto a pagar eses cartos polo solar. Nós simplemente cumprimos co que nos pediron en pleno e solicitamos unha taxación para saber cal sería o valor do solar. O único que imos facer hoxe é dar conta á oposición do resultado do traballo que se nos encargou. E iso fixo, nada”.
Inés López Couto explica que “o Concello pretendía adquirir o solar da Sareb para facilitarlle á Xunta a construción de vivenda pública en aluguer en Foz. A Xunta ten a competencia en exclusiva en vivenda, tal e como marca o Estatuto de Autonomía no seu artigo 27.1.3: no marco do presente Estatuto corresponde á Comunidade Autónoma galega a competencia exclusiva das segunites materias[…]Ordenación do territorio e do litoral, urbanismo e vivenda. No ano 2005 -na época do bipartito-, hai máis de 20 anos, a Xunta entregou os últimos pisos de protección, en Corporacións Municipais. Os veciños de Foz demandan vivenda pública: Castiñeira dixo non en pleno e a conselleira dixo non no Parlamento. A hemeroteca e a verdade non se poden cambiar, se Castiñeira quere buscar culpables só ten que mirarse ao espello”.
“Está ben dar voltas para non aportar nada, só liorta política: se quere facer algo por Foz traballe en que o seu partido na Xunta constrúa a vivenda pública que necesitan os veciños, coa colaboración municipal que lles ofrecemos buscando os terreos necesarios para esta construción. O demais é lodo”, remata López Couto.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
