Ribadeo, 28 de xaneiro de 2026. A axenda cultural do Concello de Ribadeo para o primeiro trimestre do ano inclúe máis de 30 actividades. A programación foi presentada pola concelleira Begoña Sanjurjo.
A edil ribadense declarou: “presentamos a axenda cultural do primeiro trimestre do 2026, unha programación ampla, diversa e pensada para todos os públicos, que converte a cultura nun eixo central da vida social do noso concello. Durante este trimestre do ano, Ribadeo acollerá máis de trinta actividades culturais que abranguen teatro, maxia, música, literatura, conferencias, actividades infantís e exposicións, con escenarios como o Cine Teatro, o Auditorio Municipal Hernán Naval, a Biblioteca Municipal El Viejo Pancho, a Igrexa Parroquial ou a Casa do Mar”.
A concelleira de Cultura dixo que “seguimos apostando por unha programación equilibrada, que combina propostas de creación local e galega con espectáculos de recoñecido prestixio, sen esquecer á infancia nin ás familias. E como sempre agradecer e destacar o papel fundamental das asociacións culturais do municipio, cun traballo constante que enriquece e complementa a oferta cultural municipal”.
Begoña Sanjurjo lembrou que “a axenda arrincou en xaneiro con concertos tan sinalados como o de María do Ceo e a Coral Polifónica en Reis, presentacións literarias, obras de teatro e espectáculos familiares como Aladin ou El Mago de Oz. Este mes rematámolo con maxia”.
A concelleira contou que “en febreiro destaca a celebración do Entroido e da Queima do mesmo, pero o público tamén poderá gozar de teatro, coa obra De algo hai que morrer, máis maxia con Marcos Waldemar, actividades infantís con Mestras de Conto e citas culturais vencelladas á reflexión social e á conmemoración do Día de Rosalía da man da Asociación Francisco Lanza. Non acabará febreiro sen presentar o libro Andares. O remate do mes poñerao o Galiñeiro do Vendaval, no Cine Teatro, con Skontra e Bestas”.
Sanjurjo seguiu a relatar que “marzo chegará cunha programación especialmente intensa, marcada polo 8M, coa obra de teatro Manual de Patronaxe, que se fará no Auditorio Municipal. Visitaranos Carlos Blanco co seu espectáculo A penúltima. Teremos contacontos (El corazón sensible), teatro (Facendo o Indio), maxia (neste caso dúas citas co Mago Nacho), Eva Moreda presentará Conventículo, e a Coral Polifónica dará comezo á Semana Santa co seu tradicional concerto de música sacra. E o Galiñeiro do Vendaval acollerá unha Loita de Bandas. Para comezar a primavera unha exposición na oficina de turismo de Carlos Prieto pechará o trimestre”.
Para a concelleira de Cultura “é moi importante participar activamente nas distintas propostas. A cultura é encontro, pensamento crítico e lecer compartido. Queremos que os espazos culturais estean cheos e vivos, e que esta axenda sexa unha invitación a desfrutar do noso concello. A programación completa pode consultarse nos canais habituais do Concello e nos espazos municipais. Vémonos nos eventos culturais!!”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
