Barreiros, 26 de xaneiro de 2026. As praias de Barreiros serán o escenario da meta da etapa lucense de O Gran Camiño 2026, a volta ciclista profesional galega, que conta un ano máis co apoio da Vicepresidencia da Deputación de Lugo, chegará por primeira vez ás comarcas da Mariña e da Terra Chá, tendo a saída no concello de Vilalba.
O anuncio realizouse nun acto celebrado esta mañá na Casa do Concello de Barreiros, no que participaron o vicepresidente da Deputación de Lugo, Efrén Castro; o deputado de Rural, Mar e Mocidade, Dani García; o director da proba, Ezequiel Mosquera; así como as alcaldesas de Barreiros, Ana Ermida, e de Vilalba, Marta Rouco.
Durante a presentación, a alcaldesa de Barreiros, Ana Ermida, destacou que a chegada de O Gran Camiño ao municipio “é froito do traballo que se está a facer en Barreiros no ámbito deportivo, cunha aposta clara polo deporte de base, fundamental para concellos como o noso, pero tamén coa ambición de situar Barreiros como escenario de grandes eventos deportivos”. Ermida subliñou ademais que acoller a meta dunha etapa profesional “permite poñer en valor o noso territorio e crear referentes para as novas xeracións, nunha comarca cunha fonda tradición ciclista”.
Desde a Vicepresidencia da Deputación de Lugo, Efrén Castro salientou a colaboración mantida con O Gran Camiño desde a súa primeira edición, apostando polo ciclismo como unha plataforma para promocionar o territorio, e valorou especialmente que a proba chegue por primeira vez á Mariña e á Terra Chá. Neste sentido, destacou tamén a oportunidade de levar deporte internacional de máximo nivel a concellos como Barreiros.
Pola súa banda, Ezequiel Mosquera avanzou que, sen desvelar aínda o trazado definitivo, que se fará público o vindeiro 6 de febreiro, a etapa lucense será “divertida, con moito espectáculo deportivo e con imaxes espectaculares”, ao tempo que relevante tanto para o público internacional como para a veciñanza da comarca.
A chegada de O Gran Camiño 2026 a Barreiros supón un importante impacto deportivo, turístico e promocional para o municipio, reforzando a súa presenza no mapa do ciclismo profesional e consolidándose como escenario de grandes eventos vinculados ao deporte e á natureza.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
