O Vicedo, 26 de xaneiro, 2026. O Grupo Municipal do BNG do Vicedo vén de presentar unha moción para o seu debate no próximo pleno co obxectivo de poñer en marcha o Plan Rexurdir O Vicedo. A iniciativa pretende dar unha resposta integral á crise de despoboamento que sofre o municipio, centrando os seus esforzos en tres piares estratéxicos: o acceso á vivenda, o impulso ao comercio local e a dinamización das parroquias.
O portavoz nacionalista, Miguel Gómez Fraga, advertiu de que “un Concello sen comercio e sen servizos está condenado ao despoboamento”. Tras a recente presentación do Plan Emprende Terras do Sor, o BNG dá agora un paso máis propoñendo medidas concretas para fixar poboación e atraer novas familias ao rural vicedense.
Vivenda pública e economía circular
O plan sinala a grave falta de alugueiros a prezos asumibles como un dos principais factores da perda de habitantes. Por iso, o BNG propón que o Concello dispoña de vivenda pública, ben mediante nova construción, ben a través da adquisición e rehabilitación de inmobles baleiros. A moción insta a solicitar o apoio financeiro da Xunta de Galicia e do Goberno do Estado.
No ámbito comercial, Gómez Fraga aposta por un modelo de economía circular que conecte produtores e comerciantes. A proposta inclúe tamén a creación dun parque de locais comerciais con alugueiros bonificados, xestionado directamente polo Concello.
O modelo Muras, tamén no Vicedo
O BNG lembra que no municipio están instalados preto de cen aeroxeradores e considera que o exemplo a seguir é o do concello veciño de Muras, que puxo en marcha medidas para abaratar a factura eléctrica da veciñanza e que vén de acadar un acordo salientable con Iberdrola. Por iso, entre as medidas urxentes, os nacionalistas propoñen subvencionar a factura da luz tanto para os fogares como para o pequeno comercio.
Modernización e posta en valor das parroquias
A moción recolle tamén a transformación dos locais sociais das parroquias para ofrecer servizos directos á veciñanza, así como a creación dunha app municipal. Esta ferramenta funcionaría como escaparate dixital para o comercio, a vivenda, os produtos locais e a actividade cultural do municipio.
“Debemos centrar os nosos esforzos en políticas que nos permitan frear a sangría de servizos”, afirmou Gómez Fraga. Por este motivo, a proposta reclama a creación dunha comisión permanente formada polos tres grupos da corporación para coordinar estas políticas, así como a organización de foros de economía, agricultura e pesca que contribúan a mellorar a visibilidade do Vicedo.
Un plan que busca o apoio unánime da corporación
Os acordos que se someterán a votación no pleno —e para os que o BNG agarda unanimidade— inclúen: a creación dunha comisión permanente para activar o Plan, a procura de apoio da Xunta e do Estado para o financiamento en materia de vivenda e comercio, e a posta en marcha de foros de promoción do comercio, do produto local e da cultura. Tamén se propón estudar a implantación dunha app municipal como escaparate de servizos e actividades.
“O Vicedo é cousa de todos e todas. As tres forzas políticas presentes na corporación temos que sumar e remar na mesma dirección. Por iso, desde o BNG agardamos que esta proposta sexa aprobada e poidamos comezar a traballar nela”, concluíu o portavoz municipal, Miguel Gómez.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
