Xa se instalaron hidromacetas nas farolas da Praza do Concello e da rúa Aduana, en San Cibrao
Cervo, xaneiro do 2026. O Concello de Cervo vén de instalar hidromacetas con plantas de tempada –con sistema de autorego incorporado- nas farolas da Praza do Concello e tamén da rúa Aduana, en San Cibrao, co obxectivo de mellorar o aspecto ornamental e a calidade visual destes espazos públicos.
Esta actuación forma parte das tarefas de mantemento, coidado e embelecemento dos espazos públicos que o Concello desenvolve de maneira continuada, financiadas con fondos propios, apostando pola incorporación de elementos vexetais que contribúan a crear contornas máis agradables e acolledoras para a veciñanza e as persoas visitantes.
A alcaldesa de Cervo, Dolores García Caramés, supervisou os traballos acompañada da concelleira de Medio Ambiente, Mali Méndez, e puxo en valor este tipo de iniciativas, sinalando que “as plantas de tempada achegan cor e vistosidade ao conxunto urbano, “seguimos a investir con fondos propios na mellora dos espazos públicos, porque un concello coidado e atractivo repercute directamente na calidade de vida da veciñanza e na imaxe do municipio”.
A rexedora destacou tamén que estas actuacións “suman pequenos detalles que fan máis agradables as zonas máis transitadas, tanto para as persoas que viven aquí como para quen nos visita”.
Desde o Concello de Cervo continúase a traballar na mellora e conservación dos espazos públicos, reforzando o compromiso cun municipio máis atractivo e humanizado.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
