Viveiro, 5 de xaneiro, 2026. O Centro Comercial Histórico de Viveiro pechou a súa campaña de Nadal cun éxito rotundo de participación no sorteo de tres soldos de 1.200 euros, que encheu por completo a Praza Maior. Repartíronse 150.000 papeletas e o evento incorporou dúas novidades destacadas: un sistema de extracción máis rápido, que garantiu que os números premiados saísen á primeira, e un cambio de ubicación, xa que este ano o sorteo se realizou dende o balcón do Concello en lugar do da Biblioteca.
Entre as 17:00 e as 21:00 horas instalouse unha urna na praza para que a clientela depositase parte das súas papeletas cos números cos que participaba. O fluxo de xente foi constante e a urna rematou completamente chea.
As persoas gañadoras
• María Quelle, veciña de Covas, resultou agraciada co número 19.646, dunha papeleta entregada en Kalea. O premio foi entregado pola alcaldesa, Mariña Gueimunde.
• Lolo Maseda, de Viveiro, gañou co número 80.617, dunha papeleta de Cafetería Cantábrico. A entrega correu a cargo das directivas do CCH, Sara e Gracia.
• Lucía Insua, de Lugo e natural de Viveiro, foi premiada co número 122.555, dunha papeleta de Van Surf. Recibiu o premio da xerente do CCHV, Isabel Méndez.
O acto estivo conducido, un ano máis, por Dani Ríos, que convidou a tres nenos a subir ao balcón para exercer de mans inocentes na extracción das papeletas.
Un sorteo áxil e moi participado
A xerente do CCHV, Isabel Méndez, destacou “o enorme éxito de participación, impulsado sobre todo polo novo sistema de sorteo, que permitiu reducir os tempos”. Explicou que se cumpriron os horarios con rigor: “Ás 21:00 horas pechouse a urna, subimos ao balcón, mesturamos ben todas as papeletas e ás 21:15 comezou o sorteo. Exactamente 15 minutos despois xa tiñamos os tres gañadores”.
Balance moi positivo da campaña de Nadal
Co sorteo péchase unha campaña de Nadal “moi satisfactoria”, segundo o CCHV. A afluencia de visitantes ao longo de todo o mes notouse tanto no comercio como na hostalaría, con tendas e bares cheos. A entidade recibiu numerosos parabéns pola decoración distribuída entre os negocios —árbores de luces LED, guirnaldas e alfombras vermellas— que contribuíu a crear un ambiente “totalmente navideño”.
O sorteo do calendario de advento tamén foi un éxito, con alta participación e 2.400 euros en premios, que sumados aos 3.600 euros repartidos no sorteo dos soldos elevan a 6.000 euros o total entregado nesta campaña.
As rebaixas, o seguinte paso
Nos próximos días comezará a campaña de rebaixas, que o CCHV espera que manteña o bo ritmo de participación e que a cidadanía siga apostando polo comercio de proximidade, “onde ver, tocar, probar e levar é un valor engadido, xunto coas garantías do comercio local”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
