Destaca que nestes momentos o centro de saúde de Trabada atende as solicitudes de cita sen demora
Santiago de Compostela, 28 de xaneiro de 2026. O conselleiro de Sanidade, Antonio Gómez Caamaño, subliñou no Parlamento de Galicia que a asistencia sanitaria á veciñanza do Concello de Trabada está garantida e que a Xunta realiza un grande esforzo para dispoñer de máis profesionais para cubrir as vacantes de médicos en atención primaria.
Durante a súa intervención no Pazo do Hórreo, Gómez Caamaño salientou que no centro de saúde de Trabada, que atende de luns a venres, non hai demora para conseguir unha cita.
En días puntuais nos cales o facultativo fai uso do seu dereito de días de descanso e non hai dispoñibles nas listas de contratación, o Servizo Galego de Saúde logra cubrir a maioría de días con intersubstitucións e prolongacións, grazas ao esforzo e implicación dos profesionais da sanidade pública.
Indicou que o centro de saúde do municipio da Mariña conta con 978 pacientes asignados, por debaixo das 1.500 persoas por cupo médico que recomendan asociacións científicas e o propio Ministerio de Sanidade.
Reclamacións ao Goberno central
Na súa intervención, Gómez Caamaño lembrou as reclamacións que o Goberno galego lle ten trasladado ao Ministerio de Sanidade. Entre elas, aumentar a acreditación de prazas MIR para formar máis médicos, xa que Galicia xa oferta o 100 % das que ten autorizadas polo Ministerio, e permitir que os médicos de familia poidan prolongar a súa vida laboral voluntariamente ata os 72 anos e atrasar novas xubilacións.
Ademais, o conselleiro de Sanidade afeou que o Goberno central non negocie o Estatuto Marco cos profesionais que asumen o maior nivel de responsabilidade, os médicos, para evitar os novos días de paro, xa convocados, que impactan gravemente nos tempos de acceso dos pacientes a consultas, probas e cirurxías.
No que compete á Xunta, Gómez Caamaño sinalou que a Consellería de Sanidade xa adoptou unha serie de medidas para atraer e reter profesionais sanitarios e lembrou que o déficit de médicos de familia se irá agravando nos próximos anos, ata 244 en 2029.
Por unha banda, o Servizo Galego de Saúde incrementou o prezo das intersubstitucións para compensar o esforzo de quen asume coberturas de baixas ou ausencias, igualou as retribucións das prolongacións de xornada en primaria coas do ámbito hospitalario e reforzou as horas extraordinarias voluntarias.
O titular da carteira sanitaria sinalou que tamén se actualizou o prezo das gardas, incluíndo tamén aos médicos residentes MIR, implantouse un sistema de reparto de pacientes cando hai vacante do médico habitual con límites e compensación, e aprobouse un manual de cobertura de ausencias en centros de saúde para ordenar procedementos e responder ante incidencias.
Outra das melloras da Xunta, organizativas e retributivas, é o complemento de turnicidade para quendas de tarde e deslizantes, que os días 24 e 31 de decembro se consideren como de especial significación e unha redución progresiva de xornada.
Gómez Caamaño tamén sinalou como unha ferramenta fundamental a Lei que permite convocar prazas por concurso de méritos e aplicar incentivos reais para facer máis atractivos os destinos que historicamente custan máis cubrir, unha lei, lembrou, a que os grupos da oposición votaron en contra.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
