Os concelleiros do PP aseguran que “é positivo para Vilalba captar subvencións, veñan de onde veñan”; pero cren que “falta sentido común no goberno vilalbés á hora de propoñer actuacións”
Vilalba, 13 de xaneiro de 2026. O PP critica “o ecoloxismo de formigón” do bipartito de PSOE e Vilalba Aberta na avenida Terra Chá e advirte dun novo “despilfarro do diñeiro público” toda vez que “reduce o número de prazas de aparcamento”.
Os populares aseguran que “é positivo para Vilalba captar subvencións, veñan de onde veñan”; pero cren que “falta sentido común no goberno vilalbés á hora de propoñer actuacións”. Nese sentido, aseguran que “ninguén entende ese ecoloxismo de formigón que, ademais, resta servizos aos vilalbeses”.
Os concelleiros do PP sinalan que “a anunciada como zona verde de verde non ten absolutamente nada porque está invadida de formigón” no que consideran “unha aberración urbanística” que, ademais, “dificulta a entrada nos solares”.
DESPILFARRO HABITUAL E FALTA DE PROXECTO
O Partido Popular de Vilalba xa ten advertido da “práctica habitual” do bipartito de PSOE e Vilalba Aberta de “tirar co diñeiro de tódolos veciños e veciñas”. Primeiro enterraron 1M€ nas obras de modernización da rúa da Pravia que non para de acumular problemas e supuxo un prexuízo para os establecementos comerciais e, incluso, tiveron que consignar diñeiro de tódolos vilalbeses varias veces para cambiar o sentido do tráfico rodado “por decisións políticas”.
E recentemente os populares poñían tamén como exemplo de “despilfarro” a execución de labores de asfaltado en pistas do rural nun día de inverno e de moita choiva como fixo na pista da Frouxeira ata o cemiterio, en Sancovade, cando levaban seis meses paradas.
Os populares insisten en que “as obras deben servir para prestar un correcto servizo aos veciños e veciñas, non para facer unha foto dun día. O que lle pedimos ao goberno é que goberne, pero con este proceder o que demostran é que non teñen proxecto e invisten para poder sacar unha foto e dicir que fixeron algo”.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
Non deben prematricularse quen continúe co mesmo instrumento nin quen opte a talleres, Música e Movemento, Pandeireta ou Instrumentos Tradicionais, que se inscribirán en setembro. As solicitudes presentaranse no rexistro do Concello ou na sede electrónica, sen garantir praza. O alumnado xa matriculado mantén a súa praza se formaliza a matrícula entre o 1 e o 9 de setembro. A Escola contactará na primeira semana de setembro para confirmar dispoñibilidade segundo o Regulamento interno.
