Ribadeo, 14 de xaneiro, 2026. O venres 23 de xaneiro, ás 19:00 horas, a Biblioteca Pública Municipal Viejo Pancho de Ribadeo (r/ Antonio Otero, 19) acollerá a décima sesión do ciclo Soberanía Dixital, titulada Administración electrónica II. Taller de instalación de apps libres e da administración.
A actividade está pensada para axudar as persoas asistentes a tomar o control do seu móbil e ordenador mediante ferramentas libres instaladas, comprendidas e adaptadas ás súas necesidades. O obxectivo é facilitar o uso dos programas e aplicacións indispensables para relacionarse coas institucións públicas.
As persoas interesadas poden, ademais de asistir, propoñer ferramentas ou apps concretas que desexen aprender a instalar. Desde a configuración do sistema de comunicación co SERGAS ata a solicitude de cita, pasando pola instalación de Chave365 ou do certificado dixital, o taller adaptará os contidos ás necesidades transmitidas previamente.
Para enviar propostas ou resolver dúbidas, pódese contactar con Mario Penelo ou con calquera membro de amarinha.gal, así como a través do correo:
mpenelo+soberaniadixital@gmail.com
Esta sesión dá continuidade á celebrada en decembro e será integramente práctica, centrada na instalación, comprensión e uso das ferramentas seleccionadas. Nesta ocasión non se repartirá fanzine, pero si unha pequena relación de apps e programas libres recomendados para consulta posterior.
Trátase da primeira actividade do ciclo 2026 impulsado por amarinha.gal, despois das nove sesións desenvolvidas ao longo do ano pasado. A participación é aberta, limitada unicamente polo aforo, e diríxese a todas as persoas interesadas en mellorar o seu coñecemento tecnolóxico e reflexionar sobre as implicacións da soberanía dixital nas nosas vidas.
Os locais da Biblioteca El Viejo Pancho foron solicitados e concedidos polo Concello de Ribadeo para acoller sucesivas presentacións e talleres arredor desta temática, tantas veces esquecida e cada vez máis necesaria.
Actividades celebradas en 2025
• Retomando as prazas públicas / Redes sociais
• Temos en común o coñecemento da Wikipedia / Mundo Wikimedia
• Sistemas operativos / Linux
• Blogs, información descentralizada / Unha alternativa informativa
• A IA. Posibilidades e perigos / Un tema enfocado ao futuro
• Dominio público / Tamén teu
• Contralgoritmia
• Solarpunk. Taller de futuros optimistas
• Administración electrónica. Ferramentas e axuda
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
