Os populares defenden un Plan do Autónomo con menos impostos e máis facilidades para traballar
Barreiros, 14 de xaneiro de 2026. “Menos burocracia e máis tempo para dedicarse ao seu traballo é o que reivindican, maioritariamente, os autónomos”, segundo manifestan os deputados nacionais despois de manter diversas reunións con representantes de colectivos e tamén con algún autónomo de forma particular cos que se reuniron recentemente en Barreiros.
Jaime De Olano, Francisco Conde e Cristina Abades acompañados polo portavoz, José Manuel Gómez Puente, mantiveron reunións con responsables de establecementos hostaleiros do municipio para coñecer as demandas específicas dun sector no que os autónomos crean, ademais, outras oportunidades de emprego.
Os deputados explicaron que “estamos a manter unha rolda de contactos para coñecer de preto a realidade dos autónomos, escoitar as necesidades ou aquilo que non está a funcionar para trasladar as súas demandas e incorporalas ao Plan do Autónomo do Partido Popular” que, entre outras medidas, recolle xa a exención do IVE para facturacións inferiores a 85.000 euros anuais como dita a UE, redución de 4 a 1 as declaracións anuais, apoio ao emprendemento ou clarificar e incrementar as deducións de gastos.
O Plan do Autónomo do PP tamén recolle a exención no pago das cotas por baixas de enfermidade grave, dous anos despois da maternidade ou paternidade, equiparar os dereitos de lactancia para mulleres autónomos e traballadoras por conta allea ou facilidades para traballar despois da idade de xubilación.
De Olano incide en que “con Sánchez os autónomos pagan máis impostos ca nunca, reciben peores servizos públicos e perden máis tempo ca nunca en trámites burocráticos” e avanza que “o PP lle dará a volta a esa situación”.
“A situación actual dos autónomos é igual de preocupante que a situación de España con Sánchez. Falta persoal, non hai relevo xeracional, tampouco é fácil emprender, os autónomos asumen moita burocracia, etc.”. En definitiva, para De Olano, “o Goberno de Pedro Sánchez prexudica a quen traballa aos que considera caixeiros automáticos” e, ademais, “está a promover a cultura do mínimo esforzo coas súas nefastas políticas”.
Durante as reunións de traballo, os populares confirman tamén sobre o terreo o “descontento” dos lucenses con outras decisións do Goberno de Sánchez que prexudican a Galicia como é “o novo modelo de financiamento autonómico pactado cos independentistas cataláns”. Nese sentido, os deputados nacionais reivindican un trato xusto para Galicia e advirten que “só o Partido Popular defende os intereses dos galegos”.
LIÑA DE TRABALLO PARA O 2026
Nese sentido, os deputados lucenses repasaron as principais liñas de traballo do Partido Popular para este 2026: demandar, ademais da baixada dos impostos, a baixada do IVE dos alimentos, mellorar infraestruturas viarias e ferroviarias, recuperar a seguridade enerxética, os servizos públicos, construír máis vivendas para facer posible o proxecto de vida de millóns de españois e, tamén, loitará por “devolver a España a relevancia internacional e combater a corrupción”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
