Os socialistas alertan da renuncia da Xunta a proxectos estratéxicos como a VAC Costa Norte ou o desdobramento Nadela-Monforte
Lugo, 16 de xaneiro de 2026. A Deputada no Congreso, Patricia Otero, e o Senador por Lugo, César Mogo, denunciaron hoxe, en rolda de prensa, a degradación das infraestruturas públicas na provincia de Lugo baixo a xestión do Partido Popular á fronte da Xunta de Galicia. Ambos fixeron fincapé na renuncia continuada a proxectos estratéxicos e na rebaixa da súa envergadura, con especial impacto en comarcas como A Mariña, O Courel e o sur da provincia.
Durante a súa intervención, César Mogo fixo balance do arranque do curso político e puxo en valor a actividade do Goberno de España nas primeiras semanas do ano. Segundo explicou, en apenas dúas semanas o Executivo impulsou iniciativas de gran calado, como un acordo inédito coa Igrexa e medidas clave en materia de vivenda e alugueiros.
O Senador insistiu en que existe un Executivo plenamente operativo e activo: “Hai un goberno que está gobernando cunha intensidade política moi notable”, advertiu, lembrando que “as veces, o ruído tende a quitar claridade sobre a acción política”. Nese sentido, destacou que esta mesma semana houbo pleno tanto no Congreso como no Senado, polo que “a acción parlamentaria está lanzada”.
Fronte a esta realidade, Mogo criticou a estratexia do Partido Popular, que cualificou de “luz de gas”, ao tentar trasladar á cidadanía unha suposta parálise do Goberno central. Explicou que esa mensaxe non se corresponde coa realidade e lembrou que foi precisamente a acción do Executivo a que permitiu relanzar a obra pública en Lugo tras anos de parálise durante gobernos do PP.
Mogo referiuse tamén ao sucedido no pasado mes de decembro no Congreso dos Deputados, cando se produciu un intento de fraude na votación dunha lei de economía social, no que presuntamente estivo implicado un deputado do PP por Lugo, sen que se dera ningunha explicación pública nin comparecencia para aclarar os feitos, malia ás informacións publicadas nos medios de comunicación.
Pola súa banda, Patricia Otero contrapuxo esta realidade coa imaxe “escura e negra” que tenta proxectar o Partido Popular. “Para escuridade, os anos de goberno do Partido Popular, que nesta provincia non fixeron unha soa obra pública de mínimo calado nos case sete anos de goberno de Mariano Rajoy”, afirmou.
En relación co financiamento autonómico, Otero lembrou que o Goberno central puxo enriba da mesa unha proposta que suporía arredor de 600 millóns de euros adicionais anuais para Galicia, así como unha condonación da débeda de 4.010 millóns de euros. Advertiu de que o Partido Popular terá que explicar por que rexeita estas medidas cando o debate chegue ao Congreso dos Deputados.
No eido das infraestruturas, Otero subliñou que existen “dous xeitos moi distintos de actuar”. Mentres o Goberno central avanza a bo ritmo en proxectos como a A-54 ou a Estación Intermodal de Lugo, o Partido Popular permanece en silencio ante os incumprimentos da Xunta nas infraestruturas da súa competencia.
No referido á VAC Costa Norte, a deputada criticou que a Xunta de Galicia presentase a finais do 2025, “a bombo e platillo”, un anuncio que supuxo na práctica a renuncia definitiva ao proxecto orixinal dunha vía de alta capacidade. Segundo afirmou Otero, tras máis de 25 anos de promesas incumpridas, o Goberno galego substitúe a VAC por unha estrada convencional de algo máis de seis quilómetros, cun investimento moi inferior ao inicialmente previsto. “O PP da Xunta de Galicia renuncia á VAC Costa Norte e empeza de cero unha variante que é realmente unha estrada convencional”, denunciou.
A deputada advertiu de que esta decisión exemplifica o abandono da Xunta cara á Mariña lucense e ás comarcas do norte. “A VAC Costa Norte é a imaxe do abandono da Xunta de Galicia coa Mariña de Lugo e coa comarca do Ortegal”, afirmou. “Viñeron os Reis Magos á comarca da Mariña un pouco anticipados para darnos unha mala noticia”, denunciou.
Otero puxo o foco tamén no contexto político dese anuncio, sinalando que na presentación realizada en Celeiro estiveron presentes tanto a alcaldesa de Viveiro como representantes de Por Viveiro. A deputada lembrou que no acordo da moción de censura, Por Viveiro comprometérase a defender a execución da VAC Costa Norte, polo que considerou especialmente grave que avalasen agora unha rebaixa tan substancial do proxecto, aplaudindo unha proposta que supón un novo episodio de abandono da Mariña lucense por parte da Xunta.
A socialista lembrou tamén que esta dinámica de renuncias non é un feito illado, senón que se repite noutros proxectos estratéxicos da provincia, como o desdobramento total do corredor Nadela-Monforte, reducido finalmente ao tramo Nadela-Sarria.
Ambos parlamentarios coincidiron en sinalar que estes exemplos evidencian a hipocrisía do PP, que esixe prazos imposibles ao Goberno central mentres cala ante os atrasos, recortes e rebaixas de categoría nas infraestruturas que dependen da Xunta. Como resumiu César Mogo, en Galicia estase a producir “unha degradación de proxectos moi importantes da obra pública, pasando de vías de altas prestacións a estradas convencionais”.
Desde o PSdeG-PSOE na provincia de Lugo reclaman á Xunta de Galicia que abandone a propaganda, recupere os compromisos adquiridos e aposte por infraestruturas á altura das necesidades da provincia.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
