Ribadeo, 23 de xaneiro de 2026. O alcalde, Dani Vega, fai un balance moi positivo do traballo realizado por Ribadeo ao longo destes días en Fitur.
O rexedor dixo: “última xornada de traballo aquí en Fitur, onde establecemos contactos co sector turístico, que é fundamental para seguir traballando nese turismo de calidade. Mantivemos reunións estes días que, como fixemos tamén o ano pasado, despois vense os froitos. Aproveitamos para promocionar o que temos, para divulgar o que somos, esa cultura viva presente, explicamos o que é Ribadeo, esa cultura permanente, ese turismo de calidade, ese recuncho no que a harmonía é perfecta co descanso e eu creo que debemos seguir nesa liña”.
Vega manifestou: “esa promoción, conxuntamente coa Mariña, que nosoutros xa hai dous anos quixemos poñer en valor as Canouras, esas persoas que facían os baños en setembro. Dende hai dous anos Ribadeo ven facendo esa actividade, con moita humildade, con moita responsabilidade, pero sempre poñendo en valor o que facían outras mulleres, que entendemos que poden ser un exemplo, tamén para convivir cos espazos naturais que temos en Ribadeo, e poñemos en valor a praia do Cargadeiro, que é un espazo magnífico, no que moitas persoas se bañan alía durante todo ano”.
O alcalde seguiu a relatar desde Fitur: “tamén eses espazos naturais que fomos recuperando durante estes anos, explicamos todo o que é Ribadeo. Hoxe tivemos un encontro co presidente da Xunta para agradecer a todas as Corporacións o traballo que fixeron durante estes anos. Ribadeo é turismo e evidentemente iso non se consigue en dous anos. Ribadeo é turismo porque cada unha das Corporacións fixo todo o posible para dinamizar e para potenciar o Ribadeo de descanso, o Ribadeo con vida todo ano, en definitiva ese Ribadeo de calidade, ese turismo de calidade que queremos. Agradecer que desde 1999, cando entrou o primeiro cartel promocional da praia das Catedrais aquí en Fitur, hoxe lembrámolo e agradecémoslle ao presidente da Xunta que se unira a ese agradecemento para todas as Corporacións e tamén a todo o sector turístico de Ribadeo, todos os profesionais, todo o sector que foi medrando, que foi mellorando e que se foi profesionalizando. Entre todos creo que fixemos un bo traballo. Tamén grazas a Acisa por toda a colaboración permanente que tivemos estes días e durante todo ano, evidentemente”.
Dani Vega subliñou que “Ribadeo deixou o pavillón alto, quedou unha boa imaxe, como é habitual de Ribadeo, e seguiremos traballando para que Ribadeo avance”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
