A actuación, impulsada dende a Alcaldía, centrouse nunha pista do barrio de Guntín, mellorando o acceso directo a preto dunha decena de fogares
Vilalba, 19 de xaneiro de 2026. O Concello de Vilalba vén de completar a rexeneración dun dos viais de acceso a varias vivendas no barrio de Guntín, na parroquia de Sancovade. Trátase dunha actuación impulsada directamente desde a Alcaldía e orientada a mellorar as condicións de mobilidade da veciñanza.
Os traballos incluíron o barrido mecánico do firme, a aplicación dunha dobre rega asfáltica e un tratamento de selado. Estas intervencións permitiron mellorar de maneira notable o estado dunha pista duns 150 metros de lonxitude, que constitúe o único acceso ás vivendas ás que dá servizo.
A alcaldesa de Vilalba, Marta Rouco, e o concelleiro Luis Fernández desprazáronse hoxe ata a zona para comprobar o resultado das obras e coñecer de primeira man o impacto da intervención no día a día da veciñanza.
Durante a visita, Marta Rouco destacou que “trátase dunha actuación moi necesaria, cun impacto directo no día a día dos veciños e veciñas, xa que estamos a falar dun vial polo que se accede de maneira exclusiva a varias vivendas”.
A rexedora subliñou tamén que “este tipo de intervencións, aínda que ás veces menos visibles, son fundamentais para garantir servizos públicos de calidade no rural e para dar resposta a necesidades reais da veciñanza”. Engadiu que o compromiso do goberno local é “seguir mellorando as infraestruturas municipais, atendendo tanto ao casco urbano como ás parroquias, con actuacións útiles e ben planificadas”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
