Aclara que non existiu ningunha renuncia a horas do SAF efectivamente prestadas, nin directriz política algunha para recortar dereitos
Cervo, febreiro de 2026. A alcaldesa de Cervo, Dolores García Caramés, pediu ao PSOE “que non utilice aos maiores como arma política” e reivindicou a boa xestión que se está a facer o Concello do servizo municipal de axuda no fogar (SAF).
A rexedora considera inaceptable que os socialistas poñan en dúbida a profesionalidade do persoal deste servizo municipal e pediu respecto para o conxunto das traballadoras deste servizo que presta apoio e coidados a preto de medio centenar de veciños do municipio.
A alcaldesa explicou que, tras coñecer a queixa formulada pola familiar dunha dunha usuaria, actuouse con total responsabilidade e transparencia, ordenado unha revisión do expediente para esclarecer os feitos.“A familia ten dereito a ser escoitada e o Concello ten a obriga de contrastar”.
Non hai renuncia ás horas SAF, nin recorte de dereitos
Tras revisar o expediente e a documentación constatouse que en ningún momento existiu unha renuncia de horas SAF, nin minoración dos seus dereitos, xa que logo a usuaria está a recibir de modo efectivo as horas de atención dentro do baremo recoñecido pola Xunta. Sen entrar en máis detalles, por garantir a confidencialidade, si aclara que se incrementou a intensidade da prestación en mái dun 50% nos últimos meses, por decisión técnica, con máis horas nocturnas, de fin de semana e festivos.
“Comprendemos a preocupación da familia e respectamos que presentasen un escrito manifestando a súa desconformidade. O que lamentamos é que o PSOE aproveite esta situación para lanzar acusacións públicas sen contrastar, xerando unha alarma que non se corresponde coa realidade, e desprestixiando un servizo esencial para as persoas máis vulnerables”- explica.
A alcaldesa tamén aclara que non existe ningunha directriz da Alcaldía “para recortar horas nin para promover renuncias”, porque ademais o Concello non ten potestade para quitar horas asignadas pola Xunta.O único obxectivo era certificar e documentar cos usuarios as horas efectivamente prestadas, cumprindo o procedemento, como se fai en todos os municipios.
O PSOE é o menos indicado para dar leccións
García Caramés si reprocha ao PSOE o intento de facer un uso partidista desta incidencia e sinalou a pouca coherencia de que sexan precisamente os socialistas os que se atrevan a cuestionar o funcionamento do servizo de axuda no fogar cando o Goberno de Pedro Sánchez, que está obrigado a asumir por lei o 50% do custe da atención á dependencia non o fai, recaendo todo o esforzo en exclusiva nos Concellos, usuarios e na Xunta.
A alcaldesa tamén recorda que Cervo é un dos poucos concellos da Mariña, e do conxunto da provincia, que presta o servizo de axuda no fogar con persoal municipal, mentres outros municipios, incluso os gobernados polo PSOE téñeno privatizado. Avanza tamén que o recente acordo entre a Xunta de Galicia e a FEGAMP “suporá un importante aforro para a facenda local, que permitirá seguir ampliando o servizo”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
