Rogos do Grupo Municipal Socialista sobre o estado do firme, o alumeado público e a seguridade viaria en Viveiro
Viveiro, 3 de febreiro, 2026. O Grupo Municipal Socialista de Viveiro presentou no pleno varios rogos dirixidos ao equipo de goberno para reclamar actuacións urxentes en materia de mantemento viario, seguridade e alumeado público.
1. Deterioro no Ponte Maior e presenza de socavóns na variante
O grupo socialista advertiu de que, tras as catas realizadas recentemente no Ponte Maior ou Ponte da Misericordia, os técnicos constataron a presenza de gretas no asfalto tanto na infraestrutura como nas inmediacións da Cruz Vermella e da rotonda da Misericordia.
Sinalan especialmente un socavón de gran tamaño tras o paso de peóns elevado en dirección Lugo, que pode provocar danos nos vehículos e accidentes, así como outros afundimentos adicionais na mesma variante.
O grupo atribúe esta situación ás fortes inclemencias meteorolóxicas dos últimos meses e solicita ao goberno local que inste á Axencia Galega de Infraestruturas a reparar estes danos con urxencia, dada a súa incidencia na seguridade viaria.
Tamén reclaman a revisión de varias alcantarillas en Viveiro e na travesía de Covas, situadas a unha cota inferior ao asfalto, o que xera molestias e riscos para a circulación.
2. Atrasos na reposición de farolas e bombillas
Nun segundo rogo, o Grupo Socialista advertiu dos atrasos excesivos na reposición de bombillas e farolas fundidas en diferentes puntos do municipio.
Lembran que o Concello conta cun único electricista municipal e que, tradicionalmente, se recorría ao apoio dunha empresa externa para axilizar o mantemento do alumeado público.
Segundo trasladaron varios veciños de zonas como Covas, O Pedregal, Celeiro, a estrada LU-0862 ou Vieiro, hai casos nos que a espera para substituír unha bombilla supera os dous meses.
Por iso, piden ao goberno local que retome o apoio dunha empresa externa para garantir un servizo áxil e seguro.
3. Afundimentos recorrentes e problemas de seguridade en Celeiro
Nun terceiro rogo, o grupo socialista denunciou os afundimentos recorrentes na rúa Camiño Real – Prolongación do Rego da Fonte, en Celeiro, entre o cruce da Igrexa e o da Casanova.
As constantes roturas da rede de auga provocan un firme brando e deteriorado, dificultando o tránsito de vehículos e peóns.
Ademais, lembran que o treito é de sentido único ascendente, pero varios veciños alertan de que é habitual que circulen vehículos en sentido contrario, o que supón un risco evidente.
O grupo tamén reclama actuacións nun solar próximo onde existe unha vexetación de loureiros sen manter, que pode resultar perigosa en días de vento e incrementar o risco en caso de incendio pola proximidade a vivendas.
Solicitan ao goberno local que actúe tanto no mantemento do firme e na mellora da seguridade viaria como no control das parcelas e da vexetación.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
