A actuación, valorada en 233.947 euros e solicitada ao Plan Deputación, abrangue un tramo de 1.315 metros cadrados entre a rúa das Flores e a rúa Celso Emilio Ferreiro
Burela, 24 de febreiro de 2026. O Concello de Burela prevé acometer a reforma das beirarrúas da avenida Arcadio Pardiñas a través dunha actuación solicitada ao Plan Deputación e valorada en 233.947 euros. A intervención céntrase na mellora da accesibilidade, da mobilidade peonil e da calidade do espazo público nunha das principais vías do núcleo urbano.
O proxecto contempla a renovación da zona destinada ao tránsito peonil no tramo comprendido entre a rúa das Flores e a rúa Celso Emilio Ferreiro, cun ámbito de actuación de 1.315 metros cadrados.
A intervención ten como obxectivo principal mellorar as condicións de accesibilidade existentes, especialmente nos cruces peonís. Para iso prevese actuar nos cinco pasos de peóns incluídos no ámbito mediante a execución e ampliación das denominadas “orellas”, co fin de priorizar o tránsito peonil e facilitar cruzamentos máis seguros. Ademais, instalarase pavimento podotáctil conforme á normativa vixente e adaptaranse pendentes e accesos para eliminar barreiras arquitectónicas detectadas na situación actual.
A actuación inclúe tamén a renovación completa do pavimento das beirarrúas, actualmente en estado deficiente de conservación, substituíndoo por novas plaquetas de formigón similares ás empregadas noutras intervencións recentes no casco urbano, co obxectivo de acadar unha imaxe máis uniforme das rúas de Burela.
O proxecto contempla igualmente a creación de seis zonas de estancia e relación diferenciadas das áreas de tránsito, dotadas de mobiliario urbano e pavimentadas con lastra de granito para favorecer a permanencia e o uso social do espazo público.
No relativo ao arborado, prevese actuar sobre aqueles exemplares que interfiren coa iluminación pública ou dificultan a accesibilidade, mantendo os que presentan condicións axeitadas e incorporando a plantación dun novo exemplar. Ademais, realizaranse actuacións puntuais nas instalacións existentes para adaptalas á nova configuración das beirarrúas.
As obras executaranse por fases co obxectivo de garantir en todo momento o acceso ás vivendas e establecementos, cun prazo estimado de execución de catro meses dende a sinatura da Acta de Replanteo.
A alcaldesa de Burela, Carmela López, sinalou que esta intervención pretende “cambiar a forma de vivir a rúa”, apostando por un espazo máis accesible e pensado para as persoas. Segundo indicou, a avenida Arcadio Pardiñas constitúe un eixo social e económico da vila, polo que a actuación busca reforzar o seu papel como zona de paseo, actividade comercial e entrada principal ao municipio, contribuíndo tamén a proxectar unha imaxe “moderna, ordenada e coidada” de Burela.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
