O director xeral de Pesca, Acuicultura e Innovación Tecnolóxica mantivo encontros cos responsables do pósito burelao, da OPP-7 Porto de Burela e ABSA
Burela, 15 de febreiro do 2026. O director xeral de Pesca, Acuicultura e Innovación Tecnolóxica, Isaac Rosón, visitou esta semana a Confraría de Pescadores de Burela, a Organización de Produtores Pesqueiros do Porto de Burela (OPP-7) e a empresa ABSA, co obxectivo de coñecer de primeira man a actividade que desenvolven e abordar cos seus responsables as principais necesidades do sector.
Durante a xornada, o director xeral percorreu as instalacións portuarias e interesouse pola evolución da actividade neste porto pesqueiro, que destaca tanto en volume como en valor das descargas. A Mariña conta con Burela e Celeiro entre os principais peiraos autonómicos e son referentes a nivel estatal en descarga de peixe fresco, con especies como a pescada, o bonito do norte, o xurelo ou a xarda, entre as máis destacadas.
Na reunión cos representantes da confraría, da OPP-7 e de ABSA analizáronse cuestións clave como a necesaria flexibilización dalgúns aspectos normativos para adaptalos á realidade da frota e a importancia de avanzar en medidas que favorezan a remuda xeracional, garantindo a continuidade dunha actividade estratéxica para a Mariña lucense.
Rosón puxo en valor o traballo desenvolvido pola OPP-7, entidade de referencia na planificación da produción e na mellora da comercialización, que vén impulsando accións de innovación, formación e promoción co apoio da Xunta a través do Fondo Europeo Marítimo, de Pesca e Acuicultura (Fempa).
Así mesmo, destacou o esforzo da Consellería do Mar en materia formativa, tanto a través dos centros propios como mediante as ordes de axudas ás confrarías, que permiten impartir cursos profesionais que contribúen á cualificación laboral e á incorporación de novos perfís ao sector.
O director xeral reiterou o compromiso da Xunta co avance dos portos de Galicia e, neste caso, nos da Mariña, que nos últimos anos recibiron importantes investimentos en infraestruturas e melloras portuarias, e asegurou que a Consellería seguirá mantendo unha escoita activa co sector para dar resposta ás súas demandas e reforzar a competitividade da frota galega.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
