Os populares comparten o “malestar” dos veciños polas “deficiencias” no servizo de Correos que se debe á “falta de persoal”: actualmente só hai dous carteiros para atender a todas as parroquias de Alfoz e O Valadouro
O Valadouro, 27 de febreiro de 2026. “O Goberno de Sánchez confirma a redución de persoal no servizo de Correos de Alfoz e O Valadouro xa que recoñece que extinguiu unha praza da quenda de mañá”, segundo explica José Manuel Balseiro tras recibir a resposta oficial do Goberno do Estado ás preguntas formuladas na Cámara Alta polos senadores do PP lucense a petición do alcalde do Valadouro, José Manuel Lamela, ante a fonda preocupación existente pola redución de persoal e o deterioro do servizo postal no municipio.
O senador mariñán condena “as deficiencias no funcionamento” de Correos, dependente do Ministerio de Transportes e Mobilidade Sostible, debido “á falta de persoal que deriva na saturación das oficinas. E os que máis sofren os atrasos no reparto son as zonas rurais”, lamenta.
Balseiro explica que “o Goberno recoñece, na súa resposta, que ata o 2025 había catro prazas de mañá e a partir dese ano reduciron unha praza pola mañá -ata quedar con tres- ao que hai que restar, na actualidade, unha baixa sen cubrir -polo que o servizo conta na actualidade con dous efectivos-. Polo tanto, dende os catro traballadores que había no 2024 na quenda de mañá, na actualidade o servizo conta só con dous carteiros que teñen que atender todas as parroquias dos dous municipios, Alfoz e O Valadouro.
O alcalde engade que “o pasado mes de decembro, por exemplo, na oficina de Ferreira non se cubriu a baixas por xubilación -a praza que foi extinguida polo Goberno do Estado- ni as baixas temporais do persoal de reparto”. E subliña que “somos coñecedores do esforzo que fai o persoal que está traballando; pero, coa falta de persoal, é moi difícil cubrir o reparto de tódalas parroquias dos dous municipios” con núcleos de poboación moi dispersos: dende Vilacampa ata O Cadramón, O Pereiro ou As Oiras.
José Manuel Balseiro quixo destacar “o papel dos carteiros” e “especialmente no rural” como contrapeso á perda doutros servizos básicos, como bancos ou oficinas administrativas. De feito, a través de Correos pódense realizar trámites como o pago de recibos de auga, luz ou teléfono, o abono de tributos ou mesmo o rexistro de documentación, cartas e paquetería”.
Desde o Partido Popular reclaman ao Goberno de Sánchez que “adopte medidas urxentes para garantir un servizo postal digno e de calidade no rural lucense, evitando que a falta de persoal continúe prexudicando, neste caso, aos veciños do Valadouro e Alfoz”, segundo inciden os populares.
“O Goberno do PSOE recorta os servizos para os veciños e veciñas destes municipios”, conclúe Balseiro.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
