O Concello premiará as tres mellores clasificacións en cinco categorías diferentes.
Cariño, 4 de febreiro, 2026. O Concello de Cariño repartirá preto de 3.600 euros en premios durante a celebración do Entroido, unha das citas festivas máis agardadas do municipio e que contará cunha variada programación pensada para todos os públicos. Este ano, o Entroido municipal dará comezo o 14 de febreiro e estenderase ata o día 17.
O prato forte chegará o domingo 15 de febreiro, coa celebración do tradicional desfile de disfraces, que partirá ás 18:00 horas desde o Polideportivo Municipal e estará amenizado pola Batería do Cariño. Neste desfile, que rematará na praza Roxa, o Concello de Cariño repartirá 3.595 euros en premios a dividir entre os tres primeiros clasificados das distintas categorías.
Na categoría de Comparsas entregaranse premios de 1.300, 800 e 400 euros. En Grupos de Adultos (máis de tres persoas), os premios serán de 300, 150 e 100 euros. Para Adultos Individual ou Parellas, repartiranse 150, 75 e 50 euros. En Grupos Infantís (máis de tres participantes), os premios serán de 90, 60 e 30 euros, mentres que na categoría de Infantil Individual ou Parellas se concederán 50, 25 e 15 euros.
A alcaldesa de Cariño, Ana María López, destaca que “el desfile del Entroido es el momento más especial de toda la programación, una cita que cada año demuestra la creatividad y el trabajo en grupo de nuestros vecinos y vecinas. Desde el Concello hacemos un esfuerzo importante para ofrecer premios atractivos porque queremos reconocer ese esfuerzo y animar a que participe gente de todas las edades”.
As inscricións para participar no desfile permanecerán abertas ata o xoves 12 de febreiro ás 14:00 horas, coas bases dispoñibles para consulta na páxina web municipal.
A programación municipal dará inicio o sábado 14 de febreiro
A programación comezará o sábado 14 de febreiro, con animación infantil na carpa da praza Roxa de 16:30 a 19:30 horas, con inchables e xogos xigantes de madeira. A partir das 21:30 horas haberá un pasarrúas coa charanga Brassica Rapa e desde as 23:30 horas actuarán o Grupo La Disquetera e a Disco Móbil Chocolate.
Despois do desfile do domingo, o luns 16 de febreiro continuará a programación con animación infantil, inchables, xogos e obradoiros na praza Roxa de 16:30 a 19:30 horas. Ás 21:30 horas terá lugar outro pasarrúas, nesta ocasión coa Charanga Santa Compaña, e a partir da 1:00 horas haberá sesión musical con DJ Miguel GZ.
O Entroido despedirase o martes 17 de febreiro con animación infantil, inchables e xogos populares na carpa da praza Roxa, poñendo o broche final a varios días de festa no municipio.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
