A institución provincial achega 35.000€ a esta cita que se presentou no Pazo de San Marcos, e que prevé superar os 25.000 quilos vendidos na edición pasada deste embutido emblemático da Montaña
Lugo, 4 de febreiro de 2026. O Deputado de Promoción Económica e Social, Pablo Rivera Capón, o Alcalde da Fonsagrada e Deputado de Medio Ambiente, Carlos López López, e o Concelleiro de Deportes, Feiras e Festas fonsagradino, Silbán Rodríguez Palmeiro, presentaron no Pazo de San Marcos a XXIX edición da Feira do Butelo que agarda recibir esta fin de semana a milleiros de persoas na capital da Montaña Lucense. A institución provincial achega 35.000 euros para apoiar esta cita declarada Festa de Interese Turístico de Galicia, e na que se prevé superar os 25.000 quilos vendidos na edición anterior deste embutido emblemático.
Durante a presentación, Pablo Rivera destacou que “o Butelo é un evento que é motor económico para a comarca, que pon en valor un produto de excelencia e que contribúe a fixar poboación no rural a través da tradición e da gastronomía”. “É un produto que distingue á Fonsagrada e a toda a provincia de Lugo, cun alto valor engadido e cunha industria que xera riqueza e emprego na comarca e no concello”, apuntou.
Así mesmo, o Deputado resaltou tamén o traballo dos artesáns que manteñen viva esta tradición durante máis de tres décadas: “Sen eles sería imposible celebrar esta cita, porque o butelo non só é un produto gastronómico, senón un símbolo da nosa cultura e da nosa historia”. Nesta liña explicou que A Fonsagrada “é un referente non só na gastronomía, senón tamén no ámbito turístico e deportivo, froito do esforzo constante do Concello”. Rematou convidando a todos os veciños e veciñas da provincia a achegarse á feira esta fin de semana “para desfrutar dun dos grandes tesouros gastronómicos que temos na nosa provincia e dos grandes atractivos que ofrece a montaña lucense”.
Pola súa banda, Carlos López agradeceu o apoio da Deputación que “é fundamental xa que sen a achega económica da institución provincial sería imposible”. López indicou que estes dous días de feira atrae a milleiros de visitantes, “xerando unha inxección de recursos para a hostalería e o comercio que compensa períodos de menor actividade”.
Programa
O programa da XIX Feira do Butelo da Fonsagrada arrincará o sábado ás 10:00 horas coa apertura da carpa, que estará situada na Praza do Concello e permanecerá aberta ata ás 20:00 horas. Ás 12:00 horas terá lugar a inauguración oficial a cargo das autoridades, que posteriormente realizarán unha visita aos postos de alimentación e artesanía participantes.
O domingo o recinto feiral abrirá de novo as portas, ás 10 da mañá, e ao mediodía horas a carpa acollerá unha actuación do grupo de música tradicional Illa Pancha. Ás 13:00 horas terá lugar a entrega do Butelo de Ouro no Salón de Plenos da Casa Consistorial; e a continuación a Asociación Cultural Antaruxas e Sorteiros amenizará a xornada festiva que se prolongará ata as 20:00 horas.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
