Cervo, 28 de febreiro, 2026. O Concello de Cervo está a levar a cabo as obras de reparación e mellora do firme do vial que comunica o núcleo interior do Lieiro, unha actuación destinada a incrementar a seguridade viaria e a durabilidade da calzada.
Os traballos contan cun orzamento de máis de 20.000 euros, que serán financiados con remanente de tesourería municipal, permitindo así mellorar as infraestruturas locais sen recorrer a novas fontes de financiamento externo.
O vial, de uso habitual pola veciñanza, presenta un pavimento que, debido á súa antigüidade e ao tráfico que soporta, precisa dunha renovación integral. A actuación contempla o bacheo previo das zonas deterioradas previo á renovación da capa de rodadura, así como a limpeza e saneamento das cunetas existentes mantendo en todo momento a cota orixinal do pavimento.
A intervención realízase no tramo interior do núcleo de Lieiro ata o cruce coa estrada provincial LUP-1507, cunha lonxitude aproximada de 283 metros e unha anchura media de 4,5 metros, mellorando de xeito notable as condicións de circulación para os veciños e veciñas do Cervo.
A alcaldesa de Cervo, Dolores García Caramés, supervisou os traballos acompañada dos edís Alfredo Fernández e Adrián Arias, e de membros da asociación de veciños Nosa Señora de Lieiro, e destacou que “esta actuación responde a unha demanda veciñal e permite mellorar a seguridade e o estado dun vial moi utilizado no día a día pola xente de Lieiro”. Ademais, puxo en valor o uso de fondos propios para este tipo de investimentos: “Grazas ao remanente de tesourería podemos seguir mellorando as infraestruturas municipais con responsabilidade económica, dando resposta ás necesidades reais da veciñanza”.
A rexedora municipal engadiu tamén que “con esta obra mellórase a durabilidade do firme e as condicións de circulación, garantindo un vial máis seguro e en mellores condicións”, reafirmando así o compromiso do Concello coa mellora continua dos servizos e infraestruturas municipais.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
