Trabada, 25 de febreiro de 2026. O Concello de Trabada informa do inicio das obras de mellora do Teleclub da parroquia de Sante, unha actuación que supón un investimento superior aos 50.000 euros e que poderá executarse grazas a un convenio asinado coa Deputación de Lugo.
Esta intervención permitirá renovar e mellorar este espazo social, co obxectivo de facelo máis funcional e axeitado para o desenvolvemento de actividades veciñais, reunións e iniciativas promovidas tanto polo tecido asociativo como pola propia veciñanza da parroquia.
A actuación no Teleclub de Sante enmárcase nunha liña de traballo continuada do Concello de Trabada orientada á mellora dos locais sociais das distintas parroquias. Nos últimos tempos leváronse a cabo actuacións de mellora no local social da parroquia de Fórnea, a construción do novo centro social da Ría de Abres e, nos vindeiros meses, está previsto o inicio das obras de mellora do Teleclub da parroquia da Vilapena, así como o pintado exterior do Teleclub de Vilaformán.
O alcalde de Trabada, Rubén García, destacou que “continuamos a traballar para mellorar os espazos públicos das nosas parroquias, porque son lugares fundamentais de encontro, convivencia e participación da veciñanza”. O rexedor engadiu que “estas actuacións permiten dotar ao concello de infraestruturas máis adaptadas ás necesidades actuais, favorecendo que a veciñanza poida desfrutar delas en boas condicións”.
Desde o goberno municipal subliñan que este tipo de investimentos responden ao compromiso do Concello de Trabada por chegar a todas as parroquias de maneira equilibrada, mellorando os servizos e espazos comunitarios e reforzando a calidade de vida no medio rural.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
