Os concelleiros populares consideran “unha tomadura de pelo gastar os cartos públicos deste xeito, en actuacións mal executadas, sen control e sen garantir unha mínima durabilidade, mentres moitas vías de comunicación fundamentais para os veciños do rural seguen abandonadas e nun estado lamentable”
Vilalba, 6 de febreiro de 2026. O PP de Vilalba denuncia a situación lamentable na que se atopan as coñecidas como pistas “Low Cost” de Marta Rouco e Modesto Renda nas parroquias de Nete, Árbol e Carballido, unhas vías que foron reformadas no ano 2025 e que, a día de hoxe, presentan un estado claramente deplorable.
Dende o PP de Vilalba critican que esta situación é unha mostra máis da mala xestión do bipartito municipal, que “actúa sen planificación, sen criterios técnicos e guiándose unicamente por intereses partidistas á hora de arranxar as vías do rural”. Os concelleiros populares insisten nas pistas de Nete, Árbol ou Carballido como exemplos claros dunha forma de gobernar “improvisada e ineficaz, na que as obras non chegan nin a aguantar unha lexislatura completa”.
Desde o Grupo Popular “consideramos unha auténtica tomadura de pelo gastar os cartos públicos deste xeito, en actuacións mal executadas, sen control e sen garantir unha mínima durabilidade, mentres moitas vías de comunicación fundamentais para os veciños e veciñas do rural seguen abandonadas e nun estado lamentable”.
Ademais, denunciamos que o goberno local está a realizar reformas “á carta”, priorizando vías de titularidade municipal que dan servizo a cargos socialistas, como sucede na parroquia de Mourence, mentres se desatenden camiños e pistas que utilizan a diario numerosos veciños para acceder ás súas vivendas, explotacións e servizos básicos.
Desde o Grupo Popular de Vilalba “esiximos unha planificación seria, transparente e baseada no interese xeral, así como explicacións sobre o uso dos fondos públicos e sobre a execución destas obras que, apenas uns meses despois de seren reformadas, xa presentan graves deficiencias”.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
