Ribadeo, 11 de febreiro, 2026. Novas roturas na rede de abastecemento de auga. O alcalde, Dani Vega, pediu disculpas polas molestias ocasionadas, ofreceu colaboración aos posibles afectados e subliñou que todo isto quedará solucionado coa renovación da rede, obra que será adxudicada en breve pola Xunta de Galicia.
O rexedor dixo: “rotura tras rotura da tubaxe da nosa rede de abastecemento da auga. Todos somos conscientes, éramos coñecedores, de como se atopaba toda a tubaxe e por iso a importancia de saber priorizar, de saber xestionar e decidir as obras fundamentais para Ribadeo. O abastecemento da auga, 8,5 millóns de euros, 7,5 millóns de euros que xestionou este Concello para comezar as obras de mellora”.
Vega explicou: “e nestes momentos é o que está pasando case todos os días, e que está rompendo constantemente toda a tubaxe e agora temos problemas de abastecemento en certos puntos do noso concello. Pedimos desculpas, estamos colaborando con todos para, se hai algún tipo de problema, nunha gandería ou unha casa que haxa problemas de consumo, o Concello está colaborando con eles. E tamén está colaborando de primeira man con a empresa que xestiona nestes momentos, que é Viaqua. Estamos colaborando con eles para buscar unha rápida solución. Pero a solución máis rápida e a solución máis importante que este Concello fixo foi a xestión da auga e que nestes momentos estamos a poucos días de que a Xunta adxudique esta obra tan importante”.
O alcalde insistiu en pedir disculpas aos afectados: “pero teño que trasladar, e é a miña obriga, pedir disculpas, ser conscientes do problema que, desde que chegamos ao goberno sempre o dixemos, hai un 95 % de posibilidades de quedar sen auga, hai un 95 % de posibilidades de que todo o concello teña un problema moi importante de tubaxe, non así de recurso hídrico, senón de tubaxe. Isto había que facelo hai moitísimo tempo, houbo 20 anos para facelo, parece que ninguén decidiu xestionar orzamento para solucionalo. E por iso estas constantes roturas na rede hídrica, á que lle estamos poñéndo parches nestes momentos. Pero a gran solución foi xestionar a renovación de toda a tubaxe, que son 8,5 millóns de euros e espero que nos próximos días xa adxudique a Xunta de Galicia”.
Dani Vega agradeceu o intenso e o rápido traballo realizado polos operarios de Viaqua.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
