Ribadeo, 27 de febreiro, 2026. Un ano máis, o alumnado de 4º de ESO do IES de Ribadeo Dionisio Gamallo celebrou o Día dos Humedais na Ría de Ribadeo. Acompañados pola profesora de Bioloxía, Susi Besteiro, dedicaron a mañá a percorrer a ría para estudala como ecosistema e promover a sensibilización sobre a importancia do patrimonio natural.
O primeiro obxectivo da saída foi a observación de aves invernantes. Co apoio de prismáticos e telescopios, o alumnado puido identificar especies como patos asubións (Anas penelope), patos rabudos (Anas crecca), garzas reais (Ardea cinerea), garcetas comúns (Egretta garzetta), espátulas (Platalea leucorodia), correlimos (Calidris alpina), zarapitos (Numenius arquata), cormoráns (Phalacrocorax carbo) ou alavancos reais (Anas platyrhynchos). Non foi posible ver a coñecida Panchita, a águia pescadora que adoita pasar o inverno en Ribadeo, xa que, malia ser avistada recentemente, dous días despois xa fora localizada en Orleáns, onde cada primavera regresa para reproducirse.
O segundo obxectivo consistiu en analizar as tres grandes comunidades vexetais presentes nas distintas zonas do ecosistema: desde as pradeiras mergulladas de Zostera, que cobren a Enseada da Lieira en baixamar, ata as xunqueiras e canaveiras que aparecen a partir das enseadas de Vilavedelle e Vegadeo, adaptadas a niveis de salinidade cada vez menores.
O terceiro obxectivo —e o máis relevante— foi fomentar o coñecemento e a valoración do medio natural. Só entendendo a riqueza dun humedal de importancia internacional como a Ría de Ribadeo pode xurdir o compromiso de conservalo e o sentimento de privilexio por vivir ao seu carón.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
