Ribadeo, 11 de febreiro, 2026. O BNG de Ribadeo fixo pública a súa preocupación polo mal estado do campo municipal Pepe Barrera, unha instalación clave para o fútbol base e para o Ribadeo FC. A formación nacionalista considera que o terreo de xogo presenta un deterioro evidente, consecuencia directa da falta dun mantemento profesional e periódico.
O concelleiro do BNG, Martín Graña, explica que as choivas persistentes dos últimos meses “afectan sempre aos campos naturais”, pero insiste en que isto non pode servir de escusa para a falta de previsión do goberno municipal. “É nestes momentos cando se nota a ausencia dun mantemento profesional que o PP decidiu deixar de contratar”, sinala.
Segundo o BNG, durante anos o Pepe Barrera contou cun plan de coidados especializado, con tratamentos fitosanitarios e abonados bimensuais realizados por unha empresa experta. “Non se pode pretender xestionar unha instalación destas características a base de parches. Sen medios técnicos nin persoal cualificado, o deterioro é inevitable”, afirma Graña. Lembra ademais que no anterior mandato se investiron 420.000 € na mellora do campo, situándoo entre os mellores da provincia.
A formación nacionalista subliña que o Pepe Barrera soporta un uso moi intensivo ao longo da tempada, polo que o seu deterioro afecta tanto á calidade da práctica deportiva como á seguridade das persoas usuarias. Graña critica tamén que, malia estar previstos 400.000 € para melloras deportivas en 2025, o goberno local restou case 140.000 € desa partida para outros gastos.
O BNG lembra que o pleno municipal aprobou unha moción para construír un novo campo de herba artificial no anexo do Pepe Barrera, un acordo que segue sen executarse. “Falamos dun compromiso democrático mentres as necesidades deportivas do concello non deixan de medrar”, apunta o concelleiro.
Por todo isto, o BNG esixe ao goberno municipal que recupere o mantemento profesional do Pepe Barrera e que dea pasos reais para facer efectiva a construción do novo campo comprometido. “Ribadeo merece instalacións deportivas dignas e unha xestión seria e planificada, non abandono nin promesas incumpridas”, conclúe Graña.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
