A Mariña, 16 de febreiro, 2026. O Comité de Centros de Atención Primaria da Área Sanitaria de Lugo, A Mariña e Monforte denuncia, tras a súa reunión mensual ordinaria, graves deficiencias na subministración de materiais nos centros de saúde de toda a área. A representación das persoas traballadoras lembra que leva máis de dous anos tentando resolver esta problemática nas sucesivas mesas permanentes coa Xerencia, sen obter resposta nin interese en solucionar a situación.
Segundo o Comité, as deficiencias afectan a produtos básicos necesarios para o funcionamento diario, como vendas, que non chegan malia seren solicitadas polo persoal en tempo e forma. As peticións realízanse tanto a través do programa habilitado para pedidos ordinarios e urxentes como mediante correos dirixidos á unidade de subministracións, seguindo sempre os protocolos establecidos polo propio servizo.
O Comité sinala tamén que materiais indispensables para garantir a seguridade e cumprir cos protocolos de prevención de infeccións —como guantes estériles, máscaras FFP2 ou panos estériles— están a ser enviados en cantidades insuficientes, o que provoca que os centros esgoten as existencias nos primeiros días tras recibir a remesa. A seguinte entrega, no mellor dos casos, prodúcese cada quince días, deixando períodos nos que non se pode garantir a actividade asistencial con normalidade.
A situación agrávase no caso de materiais “especiais” para curas, como certos apósitos que se distribúen de forma controlada para pacientes concretos. O Comité denuncia que, ademais de chegar en cantidades moi inferiores ás necesarias, poden tardar meses en ser entregados, obrigando os profesionais a reorganizarse para poder atender esas curas. Isto repercute directamente na calidade da asistencia sanitaria e xera frustración entre o persoal, que non pode ofrecer os coidados que cada paciente precisa.
A falta de subministración non afecta só ao material sanitario. O Comité asegura que mesmo o material administrativo básico, imprescindible para o traballo diario do persoal administrativo e sanitario, chega en cantidades moi inferiores ás solicitadas ou, nalgúns casos, os pedidos son directamente rexeitados pola unidade de subministracións.
Denuncia de manipulación de albaráns
A representación das persoas traballadoras denuncia tamén prácticas “moi graves” na unidade de subministracións, supostamente ordenadas polo departamento de Recursos Económicos. Segundo o Comité, os albaráns estarían a ser manipulados e falseados, igualando sempre as cantidades servidas coas cantidades pedidas, mesmo cando estas son reducidas unilateralmente pola unidade. Esta práctica, afirman, desautoriza e cuestiona o criterio profesional das traballadoras e traballadores que solicitan o material en función das necesidades asistenciais reais.
Exixencias á Xerencia
O Comité de Centros de Atención Primaria exixe á Xerencia que adopte medidas inmediatas para corrixir unhas deficiencias que, ao seu xuízo, poñen en risco a calidade da asistencia sanitaria máis básica, afectan á saúde e ao benestar da poboación e comprometen o bo funcionamento dos centros de saúde.
Tamén demanda que se deixe de ningunear e faltar ao respecto ao persoal e que se respecte o seu criterio profesional. Finalmente, reclama o restablecemento dun servizo de subministracións eficaz, axustado ás necesidades reais de cada centro.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
