A sesión celebrarase ás 19.30 horas na Casa Consistorial
Viveiro, 2 de febreiro de 2025. O sesión ordinaria do Pleno do Concello de Viveiro celebrarase o mércores 4 de febreiro, ás 19.30 horas, no Salón de Sesións da Casa Consistorial. No caso de non existir quórum na primeira convocatoria, a sesión celebrarase en segunda convocatoria dous días despois á mesma hora.
Na orde do día inclúese a aprobación das actas das sesións do 29 de decembro de 2025 e do 14 de xaneiro de 2026. Tamén se debaterán a proposta de Alcaldía relativa á solicitude de adhesión ao correspondente convenio para solicitar cooperación da Administración xeral da Comunidade Autónoma de Galicia ao abeiro do Decreto 115/2017, unha proposta de Alcaldía de adhesión ao convenio con Seaga e a proposta de aprobación da estrutura de custos para a contratación dos servizos enerxéticos de alumeado público e das instalacións dos edificios municipais do Concello de Viveiro.
Tamén se tratarán dúas mocións: unha do Grupo Municipal do PSOE para garantir a continuidade da actividade cinematográfica en Viveiro mediante acordos culturais puntuais, e outra do Grupo Municipal do BNG relativa ás consecuencias para a frota artesanal galega da entrada en vigor do Regulamento de control da pesca da Unión Europea.
Na parte de control, darase conta das resolucións da Alcaldía e do informe de información económica, estabilidade orzamentaria, período medio de pago e morosidade correspondente ao cuarto trimestre de 2025. Logo abrirase a quenda de rogos e preguntas.
A documentación correspondente aos asuntos incluídos na orde do día está á disposición dos membros da Corporación na Secretaría Municipal, así como no expediente electrónico correspondente.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
