O voceiro municipal popular, Javier Castiñeira, lembra que esta actuación foi unha das condicións do acordo acadado co goberno locla para desbloquear a licitación do contrato da auga
Foz, 2 de febreiro de 2026. O Partido Popular de Foz reclama ao alcalde maior rapidez na licitación da obra de remodelación do céspede artificial do campo de fútbol de Malates, unha infraestrutura deportiva que se atopa nun estado moi deteriorado e que provoca continuas queixas por parte dos usuarios.
O voceiro municipal popular, Javier Castiñeira, lembra que esta actuación foi unha das condicións do acordo acadado co goberno local para desbloquear a licitación do contrato da auga. “O Partido Popular solicitou en varias ocasións no pleno o cambio do céspede de Malates e finalmente conseguiuse grazas a un pacto co alcalde. Os pactos están para cumprirse”, subliña.
Castiñeira denuncia a falta de información por parte do goberno municipal: “Naquel momento quedáramos en que o Partido Popular estaría plenamente informado sobre este asunto, pero a día de hoxe non sabemos absolutamente nada, máis alá de que a Deputación de Lugo vai a financiar parte do investimento”.
O portavoz do PP advirte do risco que supón o actual estado do terreo de xogo: “Hai furados que son perigosos incluso para a integridade física dos deportistas, e as queixas dos usuarios son moi numerosas. Por iso pedimos que se acelere este contrato para que poida se estreado canto antes”.
CONTRATO DA AUGA
En relación co contrato da auga, Castiñeira pide prudencia ao alcalde e critica a súa actitude triunfalista: “Resulta sorprendente que agora presuma deste contrato cando estando na oposición o PSOE defendía a remunicipalización do servizo. Ademais, non se baixaron as taxas como pedía inicialmente o Partido Popular”.
O voceiro municipal tamén pon en dúbida que se trate da mellor opción para o Concello: “Non foi a empresa que máis obra ofertaba a que gañou o concurso, senón a cuarta mellora oferta segundo este criterio. Ademis, sabemos que houbo unha alegación dunha das empresas ante o Tribunal Administrativo de Contratación Pública de Galicia (TACGAL) e tampouco se nos informou con claridade”.
Finalmente, o PP de Foz esixe ao alcalde cumprimentos dos compromisos adquiridos: “O que pedimos é prudencia e cumprimento dos pactos. Dentro dese acordo estaba arranxar canto antes o campo de fútbol de Malates, e queremos que estea licitado durante esta primavera para que se poida executar no verán e que a próxima tempada se inicie con instalacións novas e seguras”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
