Os concelleiros do PP explican que o equipo feminino tivo que desprazarse a Outeiro de Rei, o 25 de xaneiro, para xogar o seu partido coma local e que as goteiras tamén afecta ao encontro, previsto inicialmente para hoxe, de semifinais da Copa Galicia de fútbol sala. “A pista non está en condicións para xogar, polo que non houbo outro remedio que aprazar o partido ao mes de marzo”
Vilalba, 3 de febreiro de 2026. O PP de Vilalba denuncia a situación na que se atopa o pavillón polideportivo municipal, que segue a presentar graves deficiencias malia que a alcaldesa presumise hai poucos meses do arranxo parcial da cuberta, financiado cunha axuda da Xunta de Galicia.
Desde o Grupo Popular lembran que estas obras se executaron sen o debido control nin supervisión técnica necesarios, o que provocou que, a día de hoxe, o pavillón continúe sufrindo goteiras. “Esta situación xa tivo consecuencias directas, como a suspensión de partidos e actividades deportivas previstas nas instalacións municipais que tiveron que celebrarse noutros municipios”, denuncian.
“Non é de recibo que unha localidade como Vilalba, cunha intensa actividade deportiva e cun gran número de equipos, teña que trasladar as súas competicións a concellos limítrofes por culpa da mala planificación e da falta de rigor do goberno local”, sinalan.
Un dos exemplos é o equipo feminino que tivo que desprazarse a Outeiro de Rei, o 25 de xaneiro, para xogar o seu partido coma local e que tamén afecta ao encontro, previsto inicialmente para hoxe, de semifinais da Copa Galicia de fútbol sala. “As goteiras fan que a pista non estea en condicións óptimas para xogar, polo que non houbo outro remedio que aprazar o partido ao mes de marzo”, denuncian.
Desde o Grupo Popular agardan que a climatoloxía acompañe para evitar unha nova suspensión ou a necesidade de buscar unha localización alternativa, “algo que sería perfectamente evitable cunha xestión seria e responsable das instalacións deportivas municipais”.
O Grupo Popular de Vilalba considera que este novo episodio é unha mostra máis da mala xestión do goberno local liderado pola alcaldesa, Marta Rouco, e esixe explicacións e solucións inmediatas para garantir unhas instalacións deportivas dignas, seguras e acordes ás necesidades do deporte vilalbés.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
