Ribadeo, 5 de febreiro de 2026. O Concello demándalle ao Goberno do Estado melloras en diversas infraestruturas e reivindica unha vez máis o segundo acceso a Ribadeo desde a A-8 e o acendido da iluminación das rotondas. Así llo expuxo o alcalde, Dani Vega, á subdelegada do Goberno, Olimpia López, que hoxe presidiron no Concello a xunta local de seguridade.
O rexedor contou que “recibimos á subdelegada do Goberno do Estado aquí en Ribadeo, unha visita que entendemos que é positiva para abordar varios asuntos. Xa tivemos, eu persoalmente, conversacións con ela para reivindicar vellas demandas, como pode ser o segundo acceso da autovía A-8 a Ribadeo, tamén dunha vez por todas investir nun acceso directo dende a estrada de Vilela á variante e tamén acender e iluminar zonas nas que nosoutros entendemos que hai varios problemas: as rotondas do acceso da A-8 a Ribadeo, a do polígono e a da variante. Está todo apagado e iso non pode seguir así. Baixo os parámetros de seguridade reivindicamos que se ilumine para garantir a seguridade”.
Vega seguiu a relatar que “tamén reivindicamos unha inversión importante para arranxar e mellorar toda a pasarela do Ponte do Santos. Está causando varios problemas e non pode seguir así. Ademais reclamamos melloras na estrada nacional que ven de Vegadeo a Ribadeo, non entendemos como non se inviste cando en Asturias si que se tomou a decisión de actuar e aquí tamén a reivindicamos porque é fundamental que as vías de comunicación se atopen nun bo estado e polo tanto reivindicamos que se actúe. Tamén pedimos que se nos permita facer o mantemento das rotondas de entrada a Ribadeo e incluso darlles unha modernización, unha mellora a estas rotondas, humanizándoas tanto a da Vilavella como as dúas que están en Vilaselán”.
E engadiu: “por último pedimos que se axilicen todos os expedientes, os informes que necesitamos para facer melloras, para facer inversións, necesitamos eses informes sectoriais, que se axilicen, que sexan rápidos. A subdelegada tomou nota de todas estas reivindicacións, entendo que se vai facer esa xestión e que en breves días se nos responda positivamente, xa que son reivindicacións moi serias, moi concretas e todas de importancia”.
O alcalde de Ribadeo agradeceu “a visita e o bo clima que hai entre as dúas administracións. Nesta liña imos seguir sempre reivindicando, con respecto institucional evidentemente, pero sendo esixentes para que veña inversión e tamén melloras administrativas para Ribadeo”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
