A asociación gandeira presentou o proxecto, que suporá un investimento de 50.000 euros, esta mañá en Castroverde
Lugo, 4 de febreiro de 2026. A área de Rural da Vicepresidencia da Deputación financiará un programade avaliación das cualidades reprodutivas de machos de ovino e cabrún da asociación de criadores Ovica.
O proxecto, que conta cun orzamento de 50.000 euros, presentouse este martes en Castroverde, nun acto con persoas da asociación gandeira, no que se expuxeron as liñas de traballo a desenvolver nos vindeiros meses co obxectivo de facilitar a gandeiras e gandeiros información contrastada sobre as calidades morfolóxicas e reprodutivas de machos de ovino e cabrún e asesoramento específico en relación co manexo e a alimentación dos sementais.
A deputada Iria Castro lembrou que Galiza conta co maior número de granxas do territorio español, con maís de 16.000 granxas” e subliñou que “o ovino e cabrún é un sector imprescindible para a vida no rural tal e como a coñecemos, por iso o apoio ao sector é unha prioridade na acción de goberno da área de Rural da Vicepresidencia, tanto á hora de articular axudas directas, como de configurar programas como O que non arde, que financia investimentos para pastoreo e manexo de gandería extensiva, ou Da Escola á Granxa”.
O programa de testaxe de machos, que conta coa colaboración de ADGS O Acivo, desenvolverase en diferentes fases. Para comezar, farase unha avaliación sanitaria, xenética e reprodutiva dos machos presentes nas granxas das socias e socios de Ovica.
Coa información obtida, elaborarase un catálogo – en constante actualización- dos sementais que cumpren as garantías sanitarias e xenéticas requeridas, que servirá de guía para facilitar a compra de animais en condicións óptimas. Ovica emitirá tamén un certificado por cada semental que sexa analizado para acreditar a calidades seus reprodutores e crías.
O programa permitirá recoller e sistematizar información moi valiosa para a mellora das ganderías de ovino e cabrún, que ata agora carecen desta ferramenta para orientar decisións de compra ou de recría nas propias granxas.
O financiamento do programa dá continuidade ao apoio que a área de Rural da Vicepresidencia da Deputación de Lugo ven ofrecendo a Ovica desde o ano 2020, con axudas directas orientadas a crear un equipo técnico que consolidou a asociación como entidade de aconsellamento e lle permitiu abordar proxectos como, entre outros, a creación da marca Pastores de Galicia ou a elaboración dun proxecto de economía social para mellorar a viabilidade económica das granxas e que frutificou na Cooperativa Vélaro. Da man área de Rural, púxose en marcha tamén o Foro da Lá no Mercado de Abastos de Lugo, que marca o camiño para recuperar a valorización da lá como produto de calidade.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
