Ribadeo, 27 de febreiro de 2026. A Concellería de Benestar Social, Saúde e Familia retoma no mes de marzo as charlas informativas sobre saúde baixo o título Colesterol e Saúde Cardiovascular, unha iniciativa enmarcada no programa municipal Preto de ti, que achega actividades e servizos ás diferentes parroquias do municipio.
As sesións desenvolveranse nas escolas das distintas parroquias nas seguintes datas e horarios:
• Vilaselán, o 10/03/26 ás 18:00h
• Ribadeo, o 11/03/26 ás 18:00h
• Cedofeita, o 12/03/26 ás 16:15h
• A Devesa, o 17/03/26 ás 10:00h
• Arante, o 17/03/26 ás 16:30h
• Cinxe, o 23/03/26 ás 16:15h
• Rinlo, o 24/03/26 ás 16:15h
A concelleira Elena Sierra explica que “durante estas charlas abordaranse cuestións fundamentais para o coidado da saúde cardiovascular, como a alimentación axeitada, os factores de risco, a importancia dos controis rutineiros, os sinais de alarma aos que debemos prestar atención e consellos prácticos para aplicar no día a día”. A enfermeira María Roel sinala que “o obxectivo é ofrecer información clara e útil que axude á veciñanza a reflexionar sobre os seus hábitos e a incorporar cambios saudables na súa vida cotiá”.
A edil de Saúde, Elena Sierra, manifesta que “é fundamental coidarse e contar con información rigorosa e accesible para poder achegar valor á nosa saúde no día a día, que é precisamente onde se empeza a previr”. Ademais, anima á veciñanza a participar nestas sesións, pensadas como espazos de encontro, aprendizaxe e resolución de dúbidas.
O Concello continúa así coa súa aposta pola promoción da saúde e pola prevención, levando recursos ás parroquias para estar, unha vez máis, preto da xente.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
A actividade conta coa colaboración do Concello.
