Burela, 27 de febreiro, 2026. A Fundación Expomar está a impulsar o proxecto “Sostibilidade da actividade pesqueira e consumo responsable. Congreso da infancia e da adolescencia”, que se desenvolverá ao longo dos anos 2025 e 2026. A iniciativa está financiada no marco do Fondo Europeo Marítimo, de Pesca e de Acuicultura 2021-2027 e do GALP A Mariña-Ortegal.
Coñecido popularmente como “Xeración Peixe”, o proxecto inclúe múltiples actividades nas que colaboran diferentes sectores e persoas de distintas xeracións: centros educativos, centros de maiores e entidades de inclusión social.
Durante o mes de marzo realizaranse varias limpezas de praias co alumnado de primaria e secundaria de Burela, coa colaboración do centro de educación ambiental Gaia. O lixo recollido empregarase posteriormente nunha exposición de sensibilización sobre a importancia de manter limpo o medio mariño.
Tamén en marzo celebraranse obradoiros de arte mareiro en centros de inclusión social da contorna, nos que se elaborarán pezas artesanais que se entregarán como agasallo no Congreso.
Outra das accións previstas é un obradoiro interxeracional que reunirá mocidade do Concello de Burela con persoas usuarias da residencia de maiores e do centro de día. O obxectivo é recoller contos, lendas, receitas e historias vinculadas ao pobo, á actividade pesqueira e ao patrimonio inmaterial da vila.
Ademais, desenvolverase unha xornada na Escola de Hostalería de Foz dirixida ás persoas responsables das cociñas e empresas de cátering que xestionan os comedores escolares e dos centros socioasistenciais da Mariña. Durante a visita poderán catar o Petisco de Peixe elaborado pola Escola no marco do proxecto e perfilar a organización do “Día do Peixe”, que se celebrará en abril.
Na segunda semana de abril, o “Día do Peixe” promoverá o consumo de produtos do mar mediante un menú especial con receitas de pota e peixe espada, facilitadas pola Fundación Expomar. Servirase nos comedores dos centros educativos públicos, de inclusión e de maiores, chegando a máis de 1.000 persoas da contorna.
Todos os traballos realizados desde outubro culminarán no “Congreso da infancia e da adolescencia”, que terá lugar o xoves 30 de abril na Casa da Cultura de Burela. No encontro presentaranse os resultados das actividades desenvolvidas, con relatorios e mostras de artesanía, cultura, literatura e gastronomía.
Segundo a presidenta da Fundación Expomar e alcaldesa de Burela, Carmela López, “este evento axudará a poñer en valor o potencial da pesca e dos seus produtos na costa e na provincia de Lugo, non só polo que implica a nivel de alimentación, senón polo que supón no ámbito do desenvolvemento social e económico”.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
