lona exterior – 2
Taramundi, 21 de marzo, 2026. A Casa da Auga de Bres abrirá de novo ao público este domingo, 22 de marzo, en horario de 11:00 a 14:00 horas, cunha xornada de portas abertas que marca o inicio da nova tempada. A reapertura coincide coa celebración do Día Mundial da Auga e chega acompañada de importantes novidades que reforzan o papel deste espazo como referente cultural, educativo e turístico en Taramundi.
Novo espazo expositivo: “Navalleiros, o oficio aceso”
Entre as principais incorporacións destaca a creación dun novo espazo para exposicións temporais, que se inaugura coa mostra “Navalleiros, o oficio aceso”. A exposición reúne dez fotografías en gran formato realizadas pola fotógrafa Lorena Grandío para a renovación do catálogo de artesáns de Taramundi, capturando escenas do traballo tradicional dos navalleiros. Poderá visitarse ata o 5 de xullo.
A partir desa data, a Casa da Auga prevé continuar coa programación expositiva cunha mostra dedicada a José Manuel Martínez Legazpi (1943-2019), artista asturiano nado en Bres e autor do gran enxeño central que preside o edificio. Legazpi combinou a creación pictórica e escultórica coa investigación etnográfica sobre o ferro, a madeira e os enxeños mecánicos.
Desde XESTECO explican: “Quixemos recuperar o protagonismo da súa figura e, grazas á colaboración co seu fillo Diego, esperamos poder expoñer parte da súa obra pictórica e escultórica en breve”.
Recuperación da memoria da antiga escola
Outra das novidades é a recuperación dun espazo dedicado ao antigo edificio indiano que acolleu a escola do pobo.
“Aínda que recuperar o espazo orixinal xa é imposible, tratamos de devolver neste pequeno recuncho a memoria da escola pola que pasaron varias xeracións. Tamén queremos poñer en valor o papel dos emigrantes de Bres en Arxentina na promoción da educación na súa terra”, sinalan desde XESTECO.
Espazo dedicado á Axenda 2030
O Concello de Taramundi recibiu financiamento do Principado de Asturias para desenvolver un espazo centrado na Axenda 2030, especialmente no ODS 6: Auga limpa e saneamento. O proxecto permitirá crear unha área permanente de divulgación e sensibilización ambiental.
Aínda en fase de execución, durante a xornada deste domingo xa se poderán ver algúns avances:
• novos paneis interpretativos sobre a auga en Taramundi e no mundo
• un recuncho interactivo
• un pequeno laboratorio de enxeños hidráulicos de xoguete manipulables polos máis pequenos
Libraría especializada e nova programación cultural
Como parte da renovación, XESTECO habilitou unha libraría especializada en temática ambiental, aberta a todo o público sen necesidade de adquirir entrada.
“Nosa idea é devolver á Casa da Auga a súa función cultural e educativa como a escola que foi, aberta a todo o mundo. Queremos dinamizar o espazo con obradoiros de ciencia, contacontos e unha programación cultural estable ao longo do ano”, explican desde a organización.
Un domingo para descubrir a nova Casa da Auga
A xornada de portas abertas deste domingo será unha oportunidade para coñecer as novas propostas da Casa da Auga de Bres e a súa renovada aposta pola cultura, a educación ambiental e a participación cidadá.
Horarios da Casa da Auga de Bres
A partir do domingo, o horario habitual da Casa da Auga de Bres será o seguinte:
Xoves, venres e sábados
• 11:00 – 14:30
• 16:00 – 20:00
Domingos
• 11:00 – 14:30
SEMANA SANTA e VERÁN
Aberto todos os días, excepto os domingos pola tarde e os luns.
Visitas guiadas
Realízase unha visita guiada ao comezo de cada quenda horaria (duración aproximada: 30 minutos):
• Ás 11:00 h
• Ás 16:00 h
As visitas guiadas requiren reserva previa en: xesteco.com/casa-del-agua-de-bres
Despois da explicación inicial, o museo pode percorrerse libremente.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
