A institución provincial destina preto de 210.000€ a este proxecto que afecta a un treito de algo máis dun quilómetro e que vai desde o inicio da vía LU-P-0610 ata o punto quilométrico 1,422
Lugo, 3 de marzo de 2026. A Deputación de Lugo vén de iniciar esta semana os traballos de renovación do firme dun tramo da LU-P-0610, a vía que conecta as praias da costa de Barreiros. Estas obras afectan a un treito de 1,272 quilómetros, concretamente, o tramo que vai desde o inicio da vía ata o punto quilométrico 1,422. A empresa que está a realizar estes traballos é Construcciones Isidro Otero SL e o prazo de execución é de 3 meses.
O proxecto, para o cal a institución provincial destina 206.355€, inclúe a reapertura de cunetas, melloras na drenaxe e o alumeado público, a repavimentación con aglomerado. Posteriormente, realizarase o pintado da vía mediante marcas reflexivas brancas, instalaranse os cebreados necesarios nas zonas de aparcamento e colocarase a correspondente sinalización vertical, así como o mobiliario urbano.
Trátase dunha actuación moi relevante para este municipio mariñán xa que esta estrada conta cun elevado volume de tráfico especialmente durante a época estival, ao tratarse do principal acceso ás praias e aos establecementos hostaleiros da costa. Este proxecto mellorará a seguridade viaria e o confort na circulación tanto para residentes como para visitantes.
Esta actuación dá continuidade a outros proxectos que a institución provincial xa acometeu nas vías provinciais ao seu paso por Barreiros. Neste sentido, a Deputación de Lugo xa rehabilitou cun investimento de 210.000€ a totalidade da estrada LU-P-0611, a vía que une o Barrio Novo na N-634 coa Praia de Coto e que ademais conecta directamente coa LU-P-0610. Así mesmo, a Xunta de Goberno do pasado venres aprobou unha nova actuación para mellorar, na súa totalidade, outra vía provincial deste concello mariñán. Trátase da LU-P-0602, que conecta San Cosme coa praia de Barreiros por Remior. As obras, que quedaron licitadas por case 180.000€, inclúen a reapertura de cunetas, pavimentación con aglomerado en quente e sinalización horizontal.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
